[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يافهيد خصيتك على الربع تخصيص = والعلم يكفي عن كثيره قليله
شح الرفيق الي شمالٍ عن اخريص = بالجيب جعله هو وجيبه هليله
ماهوب والله يابيض الوجه برخيص = لكن هذا الوقت يومي شليله
ونا اعرف الوافي وبالوافي بخيص = شرواك ياشوق العيون الضليله
الجو زان وجاك حل المقانيص = والصيد يذكر لي جنوب الثميله
جيبك جديد ولا يبي غير ترصيص = الفين وخمسه نجدته من مديله
الصيد ولعه في قلوب القوانيص = ادمان والادمان مافيه حيله
حتى الفلاني دون قاصر وتنقيص = اصبح من اهل الصنف واعزتيله
لاصار صيد العاجز الضب والنيص = حنا خيار الصيد ناخذ جليله
الدار محممي ماحدٍ يقدر يحيص = والخوف مانجا القلوب الذليله
لو وقفوا من دونها بالمخاريص = ماحاص من شفه براس الطويله
واليا اعترضنا بصبص امن البصابيص = انلقمه يافهيد خشم الفتيله
اسلاحنا الي رد عند التراخيص = منوة شجيعٍ هيضته الدبيله
يابو سعد شغل ولا به مخاليص = مثلك دليل ولا يبيله دليله [/poem]