السلام عليكم ورحمة الله وبركاته,,,,





صلواااا على المصطفى احمد عليه الصلاة والسلام.





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]




ياعايض الناس دايم وجهها كاشر=وسود الوجيه العبوسه من يخاويها
وشذوذ وقتي بطبعه دوم متقاشر=وا كبدي اللي حريق الوقت كاويها
كن المعاليق تنشر في يد الناشر=وعلم الليالي كثيراتِ دعاويها
وأفكار عقلي من التفكير تتطاشر=مثل الدبش لستطاشت في مفاليها
وان ضقت قلي وقلي ياعسى ماشر=لازعجك دمع عينك يوم تبكيها
انا ادري الهم والغربال متخاشر=فضروف حالي عسى ربي يعافيها
صار أول القوم متساوي مع العاشر=وصبر الجمال القويه في مواطيها
الناس فيهم حكيم وفيهم الداشر=وخساس الاهداف جعل الله يعنيها
لابد تمشي مع العربان وتعاشر=رجلِ يطوف ورجلِ مايعديها
شوف الحيا ياعضيدي فيه نتباشر=القاع تفرح بشوفه لانزل فيها
وراع الاشاعات دايم للخبر ناشر=شغله يجيب السوالف ثم يوديها
وبرامج التلفزه تسجيل ومباشر=ياحامي الدار قلي من حراميها
الله يوم القيامه جامع وحاشر=هو خالق الناس جامعها ومحصيها[/poem]







وسلامتكم.