منتديات المرقاب الأدبية - عرض مشاركة واحدة

02-11-2008, 02:23 PM

..

قصيدة الشاعر فيصل بن طواله

التناكر بين (( خلق الله )) بدى
صار هذا تقل مايعــرف هذاك

الفتـن خلت رفاقتـنــا عِدى
والوجيه البيض تطعن في قفاك

إستمع صوتـي ولاآبيلك صدى
ذاخـرٍ ياذيب للمرقـب اعواك

بح صوت العقل من طول الندى
إلمس المحسوس وإستخدم ذكاك

فرصــة التغيير لاتذهب سُدى
قبل تبدى خطوتين إرجـع وراك

طيبتك مع بعض خلـق الله ردى
لاتواضـع وأسفل العالم رقـاك

الحقيقه زيف والمصلـح .. غدى
والنصيحه أوشكـت تصبح هلاك

لاتقول : إن مالـي ومالك جدى
ياعزيـز النفس ماينفــع غنَاك

وش عشاك وإنت ماتلقى غدى ؟
لاتقول : إن الغدى تالي عشاك !

أدري إن العافيــه ثوب ورِدى
لكن الخوف المرض إذا أعتراك

للطموح إن مات واحدنــا فِدى
البلا لاعشـت ماحــيٍ رجـاك

للعطش غيمـه وللورده .. ندى
والوسيله قد تبــرر مبتغــاك

إنحــلال المجتمع ماله مـدى
ناظر أصحابك قبل تنظـر عداك

الفســاد بدُورنا قـام يحـدى
أضعف الإيمان تسأل وش بلاك ؟

النبــي بدّل ضلالتـنا هـدى
بس مايقـدر إذا ماالله هــداك

ان شاء الله نراه في شاطئ الراحه