[frame="7 80"][align=center]قصيدة الشاعر الكبير / حصيبان الروقي[/align]
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا يابو ناصر ملت الرجل سج البيد=نسج القدم روحه وجيه على الفاضي
تذكر وفكر وش بقا مع هواة الصيد=مغير القصايد والتوجد على الماضي
مثل ماتنحن الليالي بعشق الغيد=غرامٍ تنحى مع سليمان والقاضي
خذن الحباري والجوازي وخلي الريد=من اللي يونس خاطرك يوم تغتاضي
لو إن الحكومه تبذل الجهد لجل تعيد=زمانٍ مضى ماظنتي فيه نعتاضي
لكن إستريح وريّح الرجل منه وهيد=وخلك بماقدر لنا ربنا راضي
وحافظ على صحتك وإحذر تجيب العيد=تصيد الطيور اللي تجيب إلك الأمراضي[/poem]

[align=center]ردي المتواضع[/align]
[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا طالبك يابو مشاري لعاد تزيد=نقضت الجروح اللي بقلبي لها شاضي
تحيّرت وإستغربتها منك بالتحديد=وانا ماهقيت إنك للأجراح نقاضي
حياة المدينه شفتها كلها تعقيد=حياتي مثل موتي بها تحت الأنقاضي
وانا وش يصبرني على الهم والتنكيد=خصوصاً ليامن شفت برق الحيا ناضي
حمدت الله اللي ماجعل لي عقال وقيد=اقوم اتفقد موتري واجمع اغراضي
وادور على مثلك وشرواك يابوزيد=رجال الوفا من نايد الناس ومحاضي
تبرّد سوالفهم على خاطري تبريد=بعيدٍ عن الغيبه وحكيٍ بالأعراضي
ياليتك تخاوينا على الفايده وتفيد=على مايسرك وانت عجلٍ ومرتاضي
ولامن وصلنا ديرةٍ مابها تمهيد=عثاعيث تشرح خاطرك لين يهتاضي
تخيرت مدهالك على ماتبا وتريد=بذيك الفجوج اللي طويلات وعراضي
وتركت المدينه والتجاره وجمع الفيد=لعبد الريال اللي عن العز متغاضي
وترى الخوف مايعطي لعمر الفتى تمديد=ولاهو منجّيني من الموت مركاضي
له الساعه اللي ثابته في سجل القيد=ولاهوب شرط الموت تبدي له اعراضي[/poem][/frame]