قلت :
بدعة تجول مع العرب شانهـا هـام
يسرج لها الغاوي مع الجيـل خيلـه
يسعى بها الجاهل مع الخاص والعام
لو قال أصيله قلت ماهيـب أصيلـه
هذي دخيلة شر في ديـن الاسـلام
والمحدثـات وكـل بدعـه ضليلـة
مدري غرورٍ صابت الناس وأوهـام
وألاّ بـدا الكـذّاب يـوخـذ بقيـلـه
نـاسٍ يسمـون القبائـل بالأرقـام
مافيـه رقـمٍ تنتمـي لـه قبيـلـة
أسماء القبائل في دواويـن الأحكـام
والرقم يا أهل العرف من ينتمي له ؟
شوفوا خطاهم يارجاجيـل الإعـلام
ماينتزيّـن فـي الضـلال وسبيلـه
اللي منول رابضٍ في العـرب قـام
هام الطويـل وقـام يومـي شليلـه
واللبس الأبيض فيه ميزه عن الخـام
لو قلّـدوه بلبـس ماجـاء مثيلـه
وعلمٍ يخالف عن تواريـخ الأقـلام
لا أحدٍ يجيبـه ليـن يوجـد دليلـه
من يقرب الجرباء تورّث له أسقـام
ترّث مرض تضيع بـه كـل حيلـه
وصلّوا عدد من حجّ من صام من قام
على النبـي واعـداد رش المخيلـه
صلى الله عليه وسلم
لاهنت وصح الله اللسااانك
|