[align=right]أعلم أنه من المجازفة أن أنشر قصائدي
أمام عمالقة الشعر ها هنا , فالذوائق رفيعة
والشعر وفير
قصيدة قلتها مخاطبا صديقي عبدالله الفرم المقاطي
ونحن عائدون ذات مرة من الطائف
علها ترتقي لذائقتكم[/align]

[poem=font="Traditional Arabic,6,black,bold,normal" bkcolor="transparent" bkimage="backgrounds/2.gif" border="outset,10,black" type=0 line=0 align=center use=ex num="0,black"]
أشوف الفرم غنى السامرية=عشان إنه نوى نجد العذية
عشان إنه قصد دار الكرامة=هاذيك اللي عساها دوم حية
هواها يشفي القلب المعنى=وشوفتها دوا جروح ٍ خفية
ليالي نجد يا محلى هواها=ليالي نجد لي معها قضية
وأنا لا غبت عنها ضاق صدري=وعلى ما قيل أدن الهاشمية
وأنا ما ألوم عبدالله رفيقي=ما ألومه لوتعجل في مجيه
أعرف إن الهواوي مايفارق=وأعرف الشوق مايرحم خوية
وأنا غنيت مثل الفرم وأكثر=وشوقي زاد عن شوقه شوية
سرا في تالي الليل وتوكل=على اللي خالق ٍ كل البرية
تمام الثانية في الليل سرنا=وجينا من تحت كبري الحوية
على الجيب السفاري كن لونه=ليا شفته شبيه الشاذلية
سرى وإنبير عداده تعدى=ثمانين وعليها زود مية
وصوته يشبه لصوت الغضنفر=اليا منه نوى بالخصم نية
وزوله لا عطى الطرقة يشابه=أمير ٍ في الوغى قاد السرية
على الجيب السفاري طاب ليله=نوينا نجد والنية مطية
وأشوف الفرم متنومس وداله=يقود الجيب والأشواق حية
يبي خله ويشفق لأجل شوفه=ويرسل له من عروقه تحية
وأنا أغني وزانه وجد حالي=على اللي ساكن ٍ فأبها البهية
وليفي جعل يومي قبل يومه=مقره وسط حي الخالدية
هذاك اللي تملكني غرامه=هذاك اللي ولا مخلوق زيه
تعدى الناس في حسنه وزينه=ولا يوجد بخلق الله حلية
دعاني داعي الأشواق يمه=وجيت أمشي دروب المهمية
وضعت بنصف دربي وانقطع بي=طريق الوصل والفرقى قوية
بخيل الوصل ما يسقي جفافي=يوردني على حوض المنية
لعب في حسبتي والله حسيبه=ياكيف يجازي الحسنة بسيه
ذبحني لعنبو جده بزينه=وروحي سبته صارت شقية
قلع قلبي من عروقه وخلى=مكانه يشبه لمقلع طميه
وأنا لا من طرى لي هل دمعي = وغنيت اللحون السامرية[/poem]



تحيتي للجميع