[align=center]أحبتي في مرقاب العز
اليكم هذه القصيدة المتواضعة
تعبرعن نفسها
عساها تنال رضاكم[/align]

[align=center]محاميس الغلا[/align][poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,5,sienna" type=1 line=0 align=center use=sp num="0,black"]




يقول اللي تهيض خاطره في ديرة الكـفار=ألا يا لعن ابوها ديرةٍ من حول تبليـسة
وانا جالس لحالي يا عرب في غابة الاشجار=أدير الفكر والتفكــــير تلعب به هواجيـسه
أسلي خاطري لكن حدتني كثرة الافـكار=بدارٍ ليلها ياناس يامااحلى نسانيـسه
اليا مني ذكرت اللي مخليهن وهن صـغار=لو اني فالمنام افز من كثرة كوابيـسه
شهد والنور عندي يا جماعة كنهن أقـمار =وشوق الها على الخدين بوسة والف تبويـسة
وانا بتشيكيا لعل ما هي للنشـاما دار=بلادٍ ما تشوف احد من اهلها يلعن ابليـسه
دياري لمـــــها الخفاق مني يا جماعة طـار=ديارٍ لا لفاها الضيف يا ما اكثر نواميـسه
عسى الله يحفظ بلادي من اهل الحقد والاشـرار=لعله يحتميها من غثى المجرم وتدنيـسه
لكن اشكي على اللي بالمراجل عارف ٍ بيطار=يشوف الحل ومجمل ولو ما هي على كيـسه
أبي فزعة من اللي لانخيته فارسٍ مـغوار=يشيل الحمل لو زادت على حمله مقاييـسه
أبيه يأكد الرجعة أبيه يهون المشــوار=على اللي ذاب قلبه من غلاهن في محاميـسه
والا يالله يارب الملا يالواحد القـهار=تعجل بالفرج والليل ما جتني غطاليسه



[/poem]
[align=center]عساكم ما تشوفون شر
وسلامتكم[/align]