,

,

بعد تحية الإسلام ..
السلامُ عليكمْ ورحمة الله وبركاته ..

فالبدايه :

لا أجيدُ فنّ المقدمات
إلا أنني قد أجيدُ شيئا ً كهذا

//

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعر سلّةْ سيف والشاعر انصاب=والسيف .. قوّة سلّته من نصابه
والليل .. والموقف .. ولحظات الاحباب=إن مرّت الشاعر .. شعر بالكتابه ..!!
وأنا .. هواجيسي على بذل الأسباب=تباشرتْ .. ولا عطيت استجابه ..!!
صديت عنها .. لكن الشوق غلاب ..!!=واليوووم .. هلّتني سحابه .. سحابه
في خاطري شرهه .. وفي عيني عتاب=ومن رجفة ضلوعي تفوح الصبابه
ملامحي عنوان .. وعيوني كتاب=ووجيه خلق الله .. بعيني تشابه ..!!
وين أنت ياللي كل ما غاب .. من غاب=على حضورك .. ما حسبنا حسابه
أشوفك أبعد .. من نظر سود الأهداب=وأقرب .. من العووود لسوالف شبابه
مشاعري .. تنساق لك جول وأسراب=تقول : كن بيني و بينك نسابه
ليت اللي مسوي له شعوب وأنساب=سوّاك ومحاكيك ربع ٍ ولابه
الحب داب .. وكل داب ٍ وله ناب=ولا عاش منهو بين سمّه ونابه
ومن جاوب الورقا على كل مرقاب=ما تاب .. لين يروح فاقد صوابه ..!!
آسف على ما جاك مني .. وما طاب=أقلّها خلّه بصدرك دعابه
تذكّره في كل ما ينفتح باب=ذكرى .. وتطلب منْك ( صدر ) و ( رحابه )
من عادتي لاشتقت بالحيييل .. ما آهاب=وأجرّد اللي داخلي من ثيابه
والشعر سلّة سيف .. والشاعر انصاب=ولا بارك الله فيه .. لولا خضابه[/poem]

وسلامتكم ..

,

::

لو إدري إنّك قدر / وإن عشت بآآآمرّه :
سبقت عمري سنين وجيت طواااالي ..!