مواهبيه ..للتواصل اسمحوا لها بالمرور


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

ياكتاب العشق .( ضاعت عناوينك )= بين كاتبها ونظرات قاريها
ان قريتك ماقنعت ابّراهينك = لو تهجيت الحروف ومعانيها
كل ماحاولت افسّر مضامينك =قمت ادوّرها ولاني بلاقيها
ودي استنتج من افكار مهدينك = كلمة ٍ بين السطور احتفظ فيها
ولالقيتك تشبع اعقول شارينك = غير في كلمه ولاني بمبديها
بين رمزية حروفك وتخمينك = فاصله .. تظهر نوايا مخفّيها
وانت ياللي تجمع الورد بيدينك = اجمع اورود المحبه وعطنيها
عندي اغلى من غيابك رياحينك = والهدايا تعكس احساس مهديها
فاح ريح الفل من لمسة ايمينك = وانثنى غصن المشاعر لطاريها
الليال اتشين.. والا انت يازينك = صورتك لايمكن الوقت يمحيها
جلّ من جمّلك بعيون مغلينك = لو طعونك مالقت من يداويها
كل ما ارجي فالعمر.. تقرب اسنينك = قفّت ايامك وغابت لياليها
لاتغارب لو ماقلت لك وينك ؟ = ذكرياتك لوعة الشوق تحييها !!
كان ماربي جمع بيني وبينك !!= فأول الايام هذي وتاليها!!
غيب عن عيني وانا اغيب عن عينك = والقلوب الله يعلم خوافيها !![/poem]