منتديات المرقاب الأدبية - عرض مشاركة واحدة

19-11-2008, 08:27 PM

يالله وانا عبدك اللي اثقلتـه الديـون
الوذ بحماك وارفع في دعاي اليديـن
تجمعت كلبوها لـو بعضهـا يهـون
المال يقضى ودين النفس للذنب ديـن
يامن إذا اراد امره بين كـافٍ ونـون
يامن تحت هيبته كل البشر خاضعيـن
اسئلك يارب في دنياي رحمه وعـون
ومن كل ضيقه فرج ياكرم الاكرميـن
ولا تكلني لنفسي والهوى والضنـون
لاقام إبليس ينصب فالطريق الكميـن
واشملني بعطفك ولطفك عساني اكون
ممن يسلم صحيفة ماعمـل باليميـن
في يوم ماينفع الانسان مـال وبنـون
الا العمل كان قدم زين وإن كان شين
الوقت دوار وايام العمر مـاش لـون
واللي يفكر بها ماغير شلقـة سنيـن
ذولا يروحون فالدنيـا وذولا يجـون
ولاحدٍ من الموت جايٍ له بحرزٍ مكين
على كذا ليش يادنيا كثيـر الشطـون
لابد مانظر لوجهك بعدها بنص عيـن
الركب لو فات ماتنفع دموع العيـون
يالله عساني من اللي ( تائبين آيبين )
دعيت وامنتكم عقب الدعـا تمنـون
تكفون قولو معي آمين ( يارب آمين )

آمين
آمين
آمين

صح لسانك يا فراج مليوون × مليوون
عز الله إنك مبدع بما تحمله الكلمة من معنى
لله درك و الله يسرك و لا يضرك

أخوك/محمـــد ال عبـــدان