منتديات المرقاب الأدبية - عرض مشاركة واحدة

24-11-2008, 04:30 PM

وين انت يافيصـل عشيـر الغانميـن
ياللي تحب الطيـب وتضـدّ الـردا
أدوّرك في كل وقـت وكـل حيـن
فالشـارع وفالمجلـس وفالمنـتـدى
جوالـك المغلـق تحاكـا كلمتيـن
وجوالـك الثانـي مارديـت النـدا
ماقلت ميدي وين رحت , وجيت وين
ياكمّ صوتٍ مالقينـا لـه صـدى !
لكنّ يشفع لك معـي عـذرٍ سميـن
إيجمّلك فـي نشـدةٍ راحـت سـدا
قالو لي انـك ملتـزم , والله يعيـن !
وايثبّتـك وايبلّغـك نـور الهـدى
من لذّة الدنيا , ومـن نفـسٍ تهيـن
اللـي يقدّيهـا , ولاتمشـي قــدا
وانت الرفيـق اللـي لياغابـو يبيـن
لاشحّـت الكـف النديّـه بالنـدى
إمطـوّعٍ , جمّعتهـا دنيـا وديــن
ورجّال لاعنّزت , والـلازم بـدا .!

عز الله إن الخبر أفرحني جدا .. و الله يثبتنا و إياه على الطاعه
صح لسانك يا أبو محمد مليوووون
و لا بد أنا نقرأ ردها هنا

أخوك/محمـــد ال عبـــدان