للشعر حضور بحضورك يابو عايض ..
.
ياليال العيد كنت انتظـر لـي ساعـه
عقب ماشفت الهلال ولبست الثّوبـي
ساعةٍ لااعصى بها الله ولاهي طاعه
ماتغـيّـر بحسنـاتـي ولابذنـوبـي
مع وليفٍ حاف قلبي وخـذه طماعـه
مامنعته عن مـراده عظـام جنوبـي
تـل خفاقـي وقفّـى وانـا تبّاعـه
يوم وجهه صوب دينه وقلبه صوبـي
اتبعـه والله قديـرٍ علـى مرجاعـه
ابي قلبي ياعـواذل وابـي محبوبـي
صار حالي ماتسر الصديق اوضاعـه
ماتسرّ اللا هـل الحكـي بالمقلوبـي
فرصتك يابو لسـانٍ كمـا القطّاعـه
حدّ نابك لجل يشبعك مـن عرقوبـي
مركبي رّزيت وسط المحيط شراعـه
والهوا ماجا مهبّـه علـى مطلوبـي
واشهد انّي في محيـطٍ بعيـدٍ قاعـه
ضعت كان اهل أريش العين ماشحّوبي
كم لي اقاوم جنون الهوى وصراعـه
بس ابا ادرك غايتي فالهوى واتوبـي
غايةٍ باسبابهـا القلـب زاد اقراعـه
والله اعلم وين يرمي بها المكتوبـي
كل ماغيّر سنعها الهـوى بأسناعـه
ارسلت من يذبحون الحجيج وجوبـي
وطلعت من بين الاضلاع كل وداعـه
لاسهم شاذب ولاهمهمـة مشذوبـي
هرجـةٍ بالعـز شـرّايـةٍ بيّـاعـه
زيفها مسلوب واحساسها محسوبـي
تطفي اللوعه عن الانفس الملتاعـه
والفراق وجمره الموقـد المشبوبـي
علموا خلّي ترى الساعـه الجمّاعـه
زيد رجّعـت النظـر للنبـي يعقوبـي
لايخلينـي لشهـب الهمـوم قلاعـه
لو يطرّش لي سلامه مـع مندوبـي
ماورى فرقى المواليف غير الضاعه
والهموم اللي تجمّـع بـلا ماجوبـي
.
.
صح والله لسانك يامعلم ..
.
والله اننا نتعطش لما تقول يابو عايض ..
.
.
دمت وسلمت كأستاذ وعلم ياشااااااعر ..
.
اخووك .
|