[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
لن عكر الصافي زمان التهاويل=وقامت همومك تشتغل طابعتها
ووقت العنا جاتك خيولة زرافيل =وحمولهن حدب الضلوع احتوتها
وبديت في منضومة الحط والشيل= والارض ضاقت في عيونك سعتها
ازبن على من نزل الحق تنزيل= اللي رفع سبعٍ وسبعٍ تحتها
سبحان من بمرة يوجه مكائيل= ويسوق سحبٍ قدرتة كونتها
ويهلك بها جيل ويرحم بها جيل= ويحط عبرت قوم في سابقتها
هو من يبدلها بيسر وتساهيل= وغيرة محال انه يغير جهتها
دنياً زوال ولا وراها محاصيل = محدٍ سلم منها ومن عنجهتها
ياما تعثر في شركها رياجيل= وياما عليهم كبرت دايرتها
وكم قللة من شان قومٍ حلاحيل= والعكس ياما رفعت منزلتها
ولاتكبر الا في عيون المهابيل= ضعوف النفوس اللي رديٍ بختها
اللي على الدجة مقافٍ مقابيل= والناس في ما دار ماعبرتها
والله مايشف الكبود المغاليل = خطوت هلابيجٍ عليك عرضتها
لو انها في منزل الجدي وسهيل= لابد يعطيك الزمن خارطتها
ويكشف لك الواقع بكل التفاصيل = وتدرك مساعيها وتفهم لغتها
وأعطيك فيما أقول واف المعاديل = وراي العرب يعرض على عارفتها [/poem]