(*(( ماجد مطر ))*)

ماجد مطر السواط / أحد المعتقلين السعوديين في العراق
:
:

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ولا يهمك ياسليل المجد ياماجد مطر = ياذيب ياللي خلف قضبان السجن تطوي فلاك
السجن للي بينه وبين الشرف مية جدر= ويذلّ من زحف الجيوش اللي يخوّفها عواك
البارحه وانا اتفكّر فالزمن جاني خبر = انّك تبا رسايل اطمئنان لهْلك واخوياك
وكتبت لك رسالةٍ فيها من الحسره حبر = تفجّ صدر الليل وتندّي على زهرة رضاك
ياطير ابابيل الكرامه والشجاعه والصبر =عسى أبرهه والفيل والنهرين والدنيا فداك
انت اجتهدت وكل خطوه في نواياك بعذر = لو انّك اخطيت وعقول الناس تعرف وش خطاك
راسك ضحيّه من ضحايا قوم تشويه الفكر = المستغلين لعواطف ثورة الضيم بصباك
روّحت وانته في ذرى دوله لها وليّ امر = له حق فالطاعه ولولاها تواجدنا معاك
لين اثبتت هاك الليال انه معه وجهة نظر = ومال العراق الا العراقي لا عليّ ولا علاك
اكبر مثال انك بغيت تروح ياماجد غدر = وتصير لقمه سايغه للموت بيدين زملاك
نشبت بين المالكي واللاّدنيه والصدر = هذه يقول اذبح هذه وذا يقول اذبح هذاك
الين طار القمري المطلوب بجناح الصقر = واصبحت لا انته عايشٍ برضك ولا انته في سماك
ياماجد اللي اتحسّ به من الغبينه والقهر = بصدور كل المسلمين اللي على حطة يداك
والمعطيات اللي تغانمنا بها غزوة بدر = والله ماهي لا هنا ولا هنا ولا هناك
راح الرسول وراح عثمان وعلي وابو بكر = راح الرجال اللي وهم تحت الثرى ترهب عداك
كنا اغنيا بالدين لكن صابنا حالة فقر = وهذا بلا ابوك الحبيّب ياعقاب الاّ بلاك
جداننا بنوا لنا مجدٍ على سطح القمر = وحنا نحفّر فالتراب ندوّر عروق الأراك
صار الجهاد ارهاب والدين القويم اكبر خطر = واهل اللحى صاروا سبب داعي لخلق الإرتباك
وصرنا نركّز جهدنا على شكل زيد وعمر = ووجيهنا متنافره وقلوبنا فيها انفكاك
والحال مايعطي ولا نقطة تفاؤل بالنصر = صار النصر نادي وتعرف من خلاله مستواك
أعزّنا اللي لا غضب يدقدق الما فالنجر = واذلّنا اللي مايقاوم رد فعل الإنتهاك
هذي الرساله كلها واقرا سطر واترك سطر = والله يردّك بالسلامه ياولدنا من هناك[/poem]

الله يردك يا ولدنا من هناك سالماً غانماً

صح لسانك يا فيصل ... قصيده تحمل فكر سياسي حديث ...

و نسأل الله له العون و الرجوع الى ارض الحق و الهدى و النور..

تحياتي و محبتي

الله الله عليك يا فيصل

الله يفك اسر ماجد مطر ويرده سالم غانم

اما القصيدة فو الله انك ما تركت مكمن من مكامن الابداع

في صياغتها الا وطرقته

لله دررك يا فيصل

الله يرده بالسلامه

صح لساانك ولاهنت على القصيده

صح لسانك يافيصل


والله يفك اسر ماجد مطر ويرجعه سالم غانم

جداننا بنـوا لنـا مجـدٍ علـى سطـح القمـر
وحنـا نحفّـر فالتـراب نـدوّر عـروق الأراك
صار الجهاد ارهاب والدين القويـم اكبـر خطـر
واهل اللحى صاروا سبب داعي لخلق الإرتبـاك
وصرنا نركّز جهدنا علـى شكـل زيـد وعمـر
ووجيهنـا متنافـره وقلوبنـا فيهـا انفـكـاك
والحـال مايعطـي ولا نقطـة تفـاؤل بالنصـر
صار النصر نادي وتعرف من خلالـه مستـواك
والله وبالله وتالله انك تشبع الذائقة دوما وأبدا

صديقي العابث بأطياف التقليدية والمتمنع من الاستغراق في التجديدية هنا مكانك في الوسطية التي
لارجعية فيها ولاتنصلية بل هي على الصراط السوي الذي يؤدي الى بر الامــــــان

.

راسك ضحيّه من ضحايا قـوم تشويـه الفكـر
المستغليـن لعواطـف ثـورة الضيـم بصبـاك
روّحت وانته في ذرى دولـه لهـا ولـيّ امـر
له حـق فالطاعـه ولولاهـا تواجدنـا معـاك


صدقت يابو ريما وعسى الله يفك اسره

وصح لسانك على هالقصيده التي زخرت بكل معان الابداع والجمال والقوة

فيصل انت بغنى عن شهادتي
صح لسانك ...
صح لسانك ...
صح لسانك ...
صح لسانك ...


دمت بود

.

القدير / شفق السريّع .......مرحبا مليون

شكرا جزيلاً على مرورك على قصيدتي المتواضعه ..

ونطالبك بزيارة للدمام في أسرع وقت منكن ..
حتى نحظى بشرف لقاءك ياطويل العمر ..


تحيتي

الله يرجع / ماجد مطر السواط لأهله سالم غانم معافى بإذنه تعالى ..


وقصيدة إختصرت الكثير من الفتاوي والإضطرابات التي عاشتها المنطقة الشماليه من الجزيرة العربيه
نسأل الله العلي القدير أن يفك عنهم وأن يرزق أهلها الأمن والامان ، وأن يكفي الله المؤمنين القتال ..



صياغه أدبيّه معتبره .. صح لسانك يابوريما ..



ولاهنت .. تحيتي وتقديري ،

فيصل السواط

والله العظيم انها اثرت في

الله يرده لأهله سالم والله يبيض وجهك يافيصل

10

ابوريما!!


صدقت والله!!


يرجع ماجد انشالله بالسلامه!!


وبيض الله وجهك على القصيده الجزله!!


ابداع وسبك وحبك وفكر وتسلسل!!



الله ينصرك !! ياشيخ!!




متابعك ومحبك

عبدالله بن مرهب(ابوراما!!)

الله يفك عوق ماجد مطر وجميع المغررين من ابناء هذا البلد وسائر بلاد المسلمين

قصيده لا يكتبها الا المبدعين بحق
من يقرأ لك يا فيصل السواط ينتابه شعور النصر للشعر !



صار الجهاد ارهاب والدين القويـم اكبـر خطـر
واهل اللحى صاروا سبب داعي لخلق الإرتبـاك



حسبنا الله ونعم الوكيل


صح لسانك يا بوريما عدد جيوش التحالف وعدد من اعتقلوا هنا وهناك


...

انت اجتهدت وكل خطـوه فـي نوايـاك بعـذر
لو انّك اخطيت وعقول الناس تعرف وش خطـاك
راسك ضحيّه من ضحايا قـوم تشويـه الفكـر
المستغليـن لعواطـف ثـورة الضيـم بصبـاك

حسبنا الله ونعم الوكيل ,

فك الله أسر اخينا ماجد بن مطر , وأقرّ به أعين والديه وجميع أحبائه ,,

وهذه الرساله انما هي بقلوبنا كلنا له ,

فيصل السواط ,

أعتقد بأنك عرّجت برسالتك لحقبه زمانيه بمنتهى الاختصار والشموليه , بدأت بتجسيد حالة الاجتهاد المدعوم بالحماس , وأنهيت رسالتك بما آل اليه حالنا كأمه اكتنفها الذل ( الوقتي ) .. الممزوج بنتاج الاجتهادات السابقه ,


ابوريما , كتبت ما يدور في خلد مليار ونصف المليار , مسلم .. بإبداع مسلم واحد ,


حسبنا الله ونعم الوكيل ,

وسلامي عليكـ .,

الرائع فيصل السواط

اصيل ومعدنك طيب وهذا هو الدليل...

الله يفك اسر ماجد مطر ..

ويبيض وجهك ..

وعساك على القوه دائماً وابداً ..

اخوك شجاع

،

روّحت وانته في ذرى دولـه لهـا ولـيّ امـر
لـه حـق فالطاعـه ولولاهـا تواجدنـا معـاك
:
:
هذا الكلام الله يجيرنا من الشر يا فيصل وانت بارك الله فيك
وما نقول الا الله يصبر اهله ويفك اسره وكل مسلم ان شاء الله
صح الله السانك ملالايين ولالالا هنت يا السواط
كل التقدير

انت اجتهدت وكـل خطـوه فـي نوايـاك بعـذر
لو انّك اخطيت وعقول الناس تعرف وش خطـاك
راسك ضحيّه من ضحايا قـوم تشويـه الفكـر
المستغليـن لعواطـف ثـورة الضيـم بصبـاك
روّحت وانته في ذرى دولـه لهـا ولـيّ امـر
له حـق فالطاعـه ولولاهـا تواجدنـا معـاك


نشاطر آل السواط أحزانهم في اعتقال ماجد مطر وحبسه في العراق !

ونقول

كان الله في عونه وعونكم ..


الشاعر
فيصل السواط

لله درك على هذا النزف الراقي والبدع المتميّز .. عرفت من أين تأكل الكتف !

كتبت حتى أيقنّا أننا أمام شاعر ومفكّر ..

صح لسانك


ومتم

الشعر فيصل السواط

صح لسااانك مدد

وعسى الله يفكه اسره عاجلا غير اجلاً

كل الود

ياســـــلام .. ياسلام

ابو ريما
هنا إبداع شعري بقالب سياسي .. ورؤيه حقيقه .. تنمّ عن وعي وإدراك

نص من اجمل النصوص
واكثرها تأثيراً .. واعمقها معنى

تحياتي لسمو فكرك

اكبر مثال انـك بغيـت تـروح ياماجـد غـدر
وتصير لقمه سايغـه للمـوت بيديـن زمـلاك
نشبـت بيـن المالكـي واللاّدنيـه والـصـدر
هذه يقول اذبـح هـذه وذا يقـول اذبـح هـذاك
الين طار القمـري المطلـوب بجنـاح الصقـر
واصبحت لا انته عايشٍ برضك ولا انته في سماك
ياماجد اللي اتحسّ بـه مـن الغبينـه والقهـر
بصدور كل المسلمين اللي علـى حطـة يـداك
والمعطيـات اللـي تغانمنـا بهـا غـزوة بـدر
والله ماهـي لا هـنـا ولا هـنـا ولا هـنـاك
راح الرسول وراح عثمان وعلـي وابـو بكـر
راح الرجال اللي وهم تحت الثرى ترهب عـداك


الله ..الله يابو ريما

مبدع ..ولانتوقع منك غير ذلك ..

الله يرد (ماجد ) لاهله سالم ..وغانم .

حضوري للسلام ..

أبوشاهر

فيصل السواط



ماجد مطر عزيزعلى قلبي كما هو عزيز على قلبك


والحدث كبير فعلا لكن هذا الشعر لم يكن بحجم الحدث بل هو اكبر منه



لله درك




اخوووووووك

الله الله يا ابو ريما

الله يفك اسره ويرده سالم


صح لساانك يا مبدع .. وعفااك


تقديري !