هذي بيني انا وعبدربه وفكوني منه يارياجيل !!

السلام عليكم ورحمة الله وبركاته

السالفه ومافيها واجهت زميلكم عبدربه بالصدفه في احدا محطات الخدمات البتروليه في الاحسااء
وهذا مادار بيننا
عبدالله :
سلامُ عليكم ياولد
عبدربه :
عليكم السلام ارحب
عبدالله :
والبقااء تسيف الحال ويش عندك اهنا ؟
عبدربه :
ابد والله شوفة عينك اعبي بانزين
عبدالله :
وين بترووح ؟
عبدربه :
والله بروح لشيباني في الديره
عبدالله :
والديره وينهاا ؟
عبدربه :
وابك بعيده ورا عفيف وذيك الدياار
عبدالله :
اهناااااااااا الله يعينك
عبدربه :
انت وينك رايح ؟
عبدالله :
معزووم في الاستراحه
<< بيرفع ضغطه
عبدربه :
اشووفك متكشخ
عبدالله :
عبدربه :
ماودك تخاويني
عبدالله
لا والله مشغوول << مهوب وده
عبدربه :
طيب تامرني بخدمه والا حاجه
عبدالله :
سلامتك الله يستر عليك اسلم وسلم على رحيّم ان واجهته
<< مايعرف في عفيف الا رحيًم
عبدربه :
يبلغ مع السلامه نشووفك على خير

الله الله وانا اللوحله بيدي وهو يلوحلي بيده تقوول بزراان

<< اقول اخلص عطنا الزبده تراك طولتهاا

وبعد الودااع بتقريباً ساعه ويطري علي وارسله البيتين التاليه ابيه يستانس في الخط :-

.

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العتيبي ماسكً له طريقٍ مستقيم=وان لقاله شجرةٍ في طريقه قشها
مير لو انه تعوذ من ابليس الرجيم=ماسرا ليله على بند (يالله مشها)[/POEM]

بعد تقريباً خمس دقايق جاني رده يقول :

.

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هب يابن قنيص ماعنده الا سين جيم=وان لقاله قشعةً في طريقه حشها
شاعرٍ واكثر بيوته تجي حول الصميم=ياحليله بس لو هو مهوب يغشها[/POEM]

الله الله ويسري ليلنا

عبدالله :
.

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالمطوع تسانها ضيقت صدر الحليم=ذرّع كمومك وطش العمامه طشها
منعمً في روضةً كنها روضة خريم=الهبوب يهبها والرشاش يرشها[/POEM]

عبدربه :
.

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ايه مار انا حضريً بما قلته غشيم=ما أعرف الا للقنوات واعرف دشها
وانت تطلع في الجرايد تقول انك وسيم=صورتك زانه لكن عن عيوني خشها[/POEM]

عبدالله :
.

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في الدشوش وفي القنوات ياكثر الحريم=اثرك اللي كل ورده مغير تنشها
الك عينً مستديره ولك كفً كريم=وكان ما غديتها يالعتيبي عشها[/POEM]

عبدربه :
.

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياولد صالح ترا صار عقب السيل ديم=مار رح للغرفه ام الستاير خشها
دام وقتك عايشه يابن هاجر في نعيم=احمد الله قبل نعمتك اجي وافشها[/POEM]

عبدالله :
.

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابك لاخشيت في غرفتك جاك الجحيم=انته اللي خشها والا تدري دشها
مابقى الا ركعة الوتر من عقب العتيم=صلها وان شفت دمعتك سالت مشها[/POEM]

عبدربه :
.

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]والله اني مابي النار والله العظيم=رحمتك يارازق الحمره في عشها[/POEM]

وسلامتكم ولا تدققون