نعطيه ناس(ن) حشام(ن) من قبايل عتابه 00000

احبتي في هذا الصرح الشامخ ...

هذه القصيده ارسلت الى اخ وصديق عزيز ..

يقدر معنى الصداقه .. ويرفض مبدأ الانانيه باي شكل من الاشكال

وقف معي وقفة الاخ لاخيه .. والصديق لصديقه ..

انسان تربى على الوفاء .. والصدق .. والتواضع .. والعفويه

انه الصديق العزيز / سلطان بن طلق العويمري السواط

فهذه القصيده وجهت له العام المنصرم تكريما وعرفانا لتقديره لكلمة

" الصــــــــــــداقه "

فهي ليست بمدى التعبير عن كرم اخلاقه ..

اتمنى ان تنال اعجابكم احبتي ولو الشيئ اليسير .. لانكم فردا فردا

تقدرون كل معاني السمو والرفعه .. واليكم القصيده :



ــــــــــــــــــــــــــــــــــــــــــــــــ


يرقى لناس(ن) حشام(ن) من قبايل عتابه 00000


ياماحلا شبة النيره معى ظلمة الليل

................................... مع دلة الكيف والنسمه وصوت الربابه

جلسه على راس طعس(ن) تبري الحيل والويل

..................................... قدام رجم(ن) ليا هرجت تسمع صدابه

ورجال اشاريبها مثل الحبال المفاتيل

...................................... رجال لاشاف عيب(ن) للملا ماحكابه

البدو ناس الكرم والجود جيل(ن) بعد جيل

........................................ واخوان مابينهم وعيال عم وقرابه

والنذل لاشافهم ماكنه الا على ميل

...................................... من هول مابه يدش البيت ماصك بابه

ليت ابرهه ماتعنى وامتطى صهوة الفيل

....................................... ولاتفلّت على الكعبه بحضرة جنابه

من قبل مافوق راسه حامت الطير ابابيل

.................................... ترميه باحجار من سجيل هدّت صوابه

والذيب يحذر وينبه مايجي دقلة السيل

................................ والصقر ما اومى جناحه فوق ذيك الخرابه

ياحيف واللاش مايسمع في القال والقيل

................................... يمسي ويصبح وهمه مندفن في ترابه

والرجل مايمشي الا مع رجال(ن) حلاحيل

.................................... واليا مشلى ماتكبر مشيته في مهابه

يموت ياصاح مايبدي لجرحه تعاليل

..................................... بالعكس زاده مع الا يام حزم وصلابه

ياراكب اللي يسميه الخواجه ترنبيل

.................................... احمر كما الدم ومديله على حرف بابه

ماشي مع الخط الاصفر سرعته تسبق الخيل

................................... ويسابق الريح والطلقه ولمع السحابه

سلّم على بن طلق نسل الرجال المداهيل

...................................... وصّله عني وقل له واخبره بالنيابه

انه عريب النسب ومحصل العلم تحصيل

......................................... وانه تملّيه بين اهل المراجل ثيابه

يابن طلق وانت راع الجود والحط والشيل

...................................... ياعل من هو حذا حذوك يسلّم شبابه

قل له ترى الحارثي مجنون غرّ(ن) محاجيل

...................................... من بعد ماشافهم جرحه تجدد صوابه

مجنون غرو(ن) رهيف العود عذب(ن) كما النيل

.................................... والا كما نهر دجله عذب صافي شرابه

وقل له تراني قتيل(ن) من عداد المقاتيل

....................................... سبايب الطرف زاد الجرح زاد التهابه

يابن طلق دلّنا يانجمة الجدي وسهيل

........................................... والبدو تلمحك لامن الدلايل تشابه

من ينتخي بك تخلي هاجسه في غرابيل

............................................ حتى تخليه يحذر لا يطارد سرابه

واختام وافي موفى دون ماننقص الكيل

................................. يرقى لناس(ن) حشام(ن) من قبايل عتابه

اقرع علومي عليهم مثل قرع الفناجيل

................................. في جلسة الكيف والنسمه وصوت الربابه


00000000000000

0000000000

00000

"

"

0

ولك مني خالص الحب والتقدير