شــمــعـة بيــت

السلام عليكم ورحمة الله وبركاته
اهنىء الجميع بقرب حلول شهر الخير
اعانني الله وياكم على صيامه وقيامه
ومما لاشك فيه ان لهذه القصيدة دافع
حيث ارسلت لي احدى الشاعرات القديرات
هذه الابيات
[poem=font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانايف ليه تتلذذ بدمعي كل ماغنيت؟=
=لك الله كل نص /ن تكتبه يظهر بلاوينا
انا لولا غلاك وقو سبكك بالشعر ماجيت=
=أنا وشلي بشعر/ن لاهدى جرحي يبكينا
فاجبتها قائلا=
هلا باللي تشرّه والخطأ مرجوع كان اخطيت=
=وانا ابشرك باحسن حال دام الله معافينا
انا اكابد جروح /ن تعتريني كل ماسجيت=
=تفج الصدر وادك الوطا والناس ممسينا
مايفقد فيض دمعه ياغناة الروح كود الميت=
=ياكثر اللي نثر دمعه على خده يواسينا
وانا فعلاً من جروح المحبة والهوى مليت =
=ألا ليته بعهد هالعمر ياموضي يخلينا
انا لي عام واكثر عن ملذات الهوى صديت=
=يكفي ماجنينا من ذنوب/ن بعثرت فينا
ذنوب /ن ينكسر منها فؤادي كل ماصليت =
=ألا رحماك يارب الخلايق لاتجازينا
بقى بالقلب ياموضي من الاحباب شمعة بيت=
=توارت قبل سبع سنين واقفت عن موانينا
تغشتها الدموع وثورة الاعصاب يوم اقفيت=
=بساعات الفراق المؤلمة تاهت خطاوينا
خذيت سنين وهي تزورني بالحلم لاغطيت=
=عليم الله كم مرة بهجعتنا تخاوينا
احاول بالتجلد والصبر نسيانها وازريت=
=اكابر لين كبت الحزن ولع في محانينا
إذا شفت المعالم والبيوت الخالية ونيت=
=وقامت دمعة الحرمان والحسرة تساقينا
بعد ماطال فعل الضنك واوجاع الغياب اضفيت=
=على الخافق ضلوع /ن ناحلة تستر خوافينا
[/poem]