الإرتــــبـاك ...

للتواصل .. وارجوا لها القبول

...




[POEM="font="Arial,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياحبيبي ماهو مني كل هذا الارتباك=انا هادي وشخص عادي .. بس انت الغير عادي


غمض عيونك وانا بغمض عيوني معاك=ولاتخليني اشوفك الا في لمس الايادي


انا ادري اني بموت وما يروعني الهلاك=بس ماودي اموت وحسرتي داخل فؤادي


لاحشا ما انت ببني آدم ولا حتى ملاك=انخلقت لحالك وصرت الخيالي والآحادي


انت كافر في جمالك .. وانت مسلم في هواك=نختلف فيك الظنون .. وتتفق فيك المبادئ


لو كتبتك ألف مره .. ما وصلت لمستواك=وان قريتك قلت : ياربي تحقق لي مرادي


قلي وشلون احتوي حبك وأستوعب غلاك=وانت قاموس الغرام .. وحبك اكبر من ودادي !!


كيف اتوبك وابتعد عنك وأتحمل جفاك=وانت تنبت بالضلوع وشوفتك موسم حصادي


كيف اطولك وانا مثل الغيم واسبح في سماك=يرفعك عني عنادك .. وانا يرفعني عنادي


اخترع منك المحبه .. واتعلم من عطاك=وينقتل من بسمتك اللون الاسود والرمادي


وتستحي منك الورود ان جيت واشغلها شذاك=وان تبسمت الشموس تموت ويهب البرادي


وعاشق ماباع عمره لاجل عينك واشتراك=واحسافه عمره اللي ضيّعه ولا استفادي


وشاعر ماحرّك احساسك ولافاز برضاك=ليه يكتب .. والقصايد ماهي في ريم البوادي !!


وعاذل يعتب على من حبك ويمشي وراك=اشهدنه مايحس ومافي وجهه دم .. وغادي


وعاقل ينصحني عن قربك وعن لذة دفاك=علموه ان الغلا وان الهوى ماهو أرادي


من عرفتك وانا اسدد دين وفاتورة غلاك=وانا ماني بالهوى تاجر .. ولاحتى اقتصادي


كل هذا وماتبيني ارتبك لحظة لقاك ؟؟ =والا يعني جايز لك طيحتي وعثرة جوادي ؟؟


ابتسم لاترتبك مثلي وحركها شفاك=ترى ضحكك مثل شخصك .. كلبوهن غير عادي ..؟؟[/POEM]

وسلامتكم ..


-