حوار مع دهام

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]دهام يادهام ياعوق الخريش الشرود = عطني علومك وانا عندي علوم جداد

سهيل شلع وانا يدهام فيك محسود = ابيك تَذّري كبود غاديات رماد

ابيك تبقا على خبري عنيدٍ صمود = تقدح على اهل الكوابج والوكارا زناد

ابيك لا طار خربٍ بين صلب ونفود = وراعِ المهجن يصايح يال قل الرشاد

تفز من شبتك فزة غريم حقود = لا شاف خصمة على حوض المنايا يقاد

تلابس الخرب كنك له حبيب ودود = وتجندله مثل عذق في ليال الحصاد

هاذي علومي وأنا يدهام عندي شهود = انك طليب الحباري لا تقافت عياد

عطني علومك وعجل دمت لي في الوجود = علوم مثلك لراسي طنخته والقناد [/POEM]

*** رد دهام ***

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يامرحبا يا محمد عد ماهب نود = ترحيبة صادقة تجري بنبض الفواد

ابشر بعلمٍ يخصك ياعريب الجدود = علم السعد والمسرة يالسنافي وكاد

هذا الشهر ثامن وانا مثنا القيود = مليت من القرنسة في غرفة في البلاد

عندي بشارة تسرك ولحسودك سفود = ريشي مصفي وانا لك جاهز في المعاد

اعلم تراني على ظنك ومنه وزود = انت تعرفني على الحفال سوٍ نفاد

حُسادك الّي على مثلي تدق الكبود = لاتلومهم دام ودمتهم دجاج وجراد[/POEM]

*** رد محمد ***

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يادهام ليت القنص يخضح لبعض البنود = كم واحدأ ببعده على بنود الحياد

يادهام ذولا قنيص مايظوون فود = في عرفهم ياعميلي أم سالم تصاد[/POEM]

*** رد دهام ***

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا محمد السالفة صارت مداحم ورود = لكن يبقا الاصل مابغل يغلب جواد

ذولا قنيص السوالف في جهاز الكنود = ثلثين مقناصهم يقضونها بالرقاد

حنا قنصنا الشمال إلين طفنا الحدود = وايضا قنصنا الجنوب إلى براك الغماد

قرب لنا الجيب حرك جعل حظك يجود = ترك سواليف ناس كلبوها نكاد [/POEM]

*** رد محمد ***

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الجيب جاهز وانا يادهام عند الوعود = اقفز على تكيته وانا لمثلك سناد[/POEM]

*** رد دهام ***

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا نوم عيني محمد ياوثيق العهود = سليل عود كريم في المراجل الماد

الله يرحمك عود في طوايا اللحود = خلفت شبلٍ جسور في المهمات جاد

انا دهام ومعك وأن ماقهرت الحسود = احذف سبوقي على أردى واحد في المزاد[/POEM]