فكيت شفرات العروق المغاليق

[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]

فكيت شفرات العروق المغاليق= وقامت ترحب بك جميع العروقي

كلن يبي منك ولو بلة الريق = وتتسابق عروقي بوسط الخفوقي

كلن يبي تجري بوسطه وأنا اضيق = ابي عروقي كلها لك تذوقي

ويكون مركز ضخكم من معاليق = جوفي وتبلل كل عرق ٍ شفوقي

وأعيش في حلم وعسى منه مافيق = ومن الغلا تنشاف في وسط موقي

ياعود ٍ ازرق تو ذالحين ماسيق = ريحه يشافي من غدى فيه عوقي

يامسك صافي ماحصل فيه تلفيق = ياللي جمالك حاز حسن ٍ وذوقي

تسرق بلا ذمه عقول المخاليق = وأنت الحكم / والمحكمه / والسروقي

غلاك في جوفي موثـَـق بتوثيق = ولاتحسب إن غيرك لعيني يلوقي

لك صاحب ٍ ضاقت عليه الطواريق = ماقال في شخصك فعده صدوقي

متى يحين الوقت يسمح بتشريق = للي جبينه فيه لمع البروقي

البعد عنه فتـَـق الجوف تفتيق = وأصبح غرامه كل حد ٍ يفوقي[/poem]

[align=center]ناصر آل شهوان الهاجري[/align]