((.. وش تبين؟؟ ..))

سلام نص من القديم

لعله يعجبكم

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]دام لامعجبك هجر ولاوصال=علميني يابنيّه وش تبين؟

لانويت البعد قلتي لي تعال=وان قربت ابغى وصالك ماتجين

لعنبوك العقل قرّب للهبال=مارضيتي في جميع الحالتين

الهوى ماهو ترى لعبة عيال=افهميني كان ودك تفهمين

وكانك تظنين فوضاءك دلال=فالدلال ايسار وافعالك يمين

الدلال يمين وافعالك شمال=المهم يعاكس اللي تفعلين

الدلع معناه ماهو الانحلال=تهجرين وترجعين وتهجرين

الدلع منتوج عذبات الخصال=نعمة ٍ من ربنا للعالمين

بس انا عندي لك بقلبي سؤال=ليه بعد اللي حصل ماتخجلين

والا ماشية ٍ على قول المثال=(افعلي ماشئتي ان لم تستحين)

المثل ناقص لو انه بس قال=استحي لن تفعلي ماترغبين

بختصر حل ٍ سليم بلاجدال=حل لاازعل منه ولاتزعلين

دام لامعجبك هجر ولاوصال=اتركيني بس لاعد ترجعين[/POEM]