مشهد درامي

[align=center]أعضاء وزوار المرقاب الشامخ إليكم :[/align]



[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شاعر علم يطلع على أكتاف مغمور= مشهد درامي فيه دور البطوله
للي يحب يعيش فالنور والنور = في ذا الزمن بالذات يقدر يطوله
ميسور حظه حط بيديه معسور = ما قاوم الحاجه وقل السيوله
مبدع حقيقي بس ماهوب مشهور = ووسايل الاعلام ترفض وصوله
لا واسطه عنده ولاشي مقدور = حتى على الجمهور يفرض قبوله
يشوف بعيونه ويغتاظ ويثور =ويرجع صدى صوته عليه بسهوله
محبط لا والله فوق الاحباط مقهور = من كل ما يصير ويدور حوله
بالله ياهل الذوق ماهوب معذور= لا قال شعرٍ نصفههم ما يقوله
وقدّم عليه مريّع العمي والعور = اللي شهد على صعوده نزوله
في أي دينٍ كان وايّات دستور= وفي أي قطرٍ كان وايّات دوله
تقبل شهادة واحدٍ يشهد الزور= ياخذ على تجار الاسهم عموله
لكن يوم أحكّم العقل والشور=وليا القضية هينه ومحلوله
دام إنها في دايرة شعر وشعور=ما جت حدود المرجله والرجوله
تهون واللي جاب له قول ماثور=ما هوب عن ربي ولا عن رسوله
ذنبه على جنبه ولا هوب ماجور =لو إن جمهور الخوى صفقوله
صديت صدة واحدٍ لاحقه جور= خلى الجمل واللي حمل من حموله
إما المسا يزيد ظلمه وديجور = والا النهار تغير بكره خيوله
واعود ويعوّد معي كل ممرور = وراع الولع يلقى هواه وميوله [/poem]