خمس مشاهد من المنفى!!

[align=center]
مساء ً تسقط اضواء المدينة في ضفاف السين
مثل لول انتظم في عقد يلعب في نحر غاده

كذا باريس تبدو نرجسية في شهر تشرين
على طول الشهر لكن هذا اليوم بزياده

هذا اليوم اربعه تشرين صدفه وافق الاثنين
الاثنين/4/ تشرين هذا يوم ميلاده

صحيح أمس الاحد (ولا احد) حاضر سوى الاثنين
طفل مقعد على كرسي وذكرى سوط جلاده

لكن اليوم غير وفيه يطفي شمعة الخمسين
قبلها اطفى يجي عشرين شمعه خارج بلاده

ويبدا المشهد الاول:

طفل مقعد ..وابو مسكين

وجرح اشتاق للسكين..

وكان أمس الاحد ولا أحد..
هذا المسا حاضر سوى الاثنين

وتشعل شمعة الخمسين..
وما ادراك ما الخمسين!!
تعب..غربة..تشرد
والسبب كلمة مناضل وافتح القوس
واضف كلمة شريف ابعد من بلاده

لانه يرفض القوسين.

ويبدا المشهد الثاني:
وكان امس الاحد ولا احد هذا المسا حاضر
سوى المقعد من اولاده..
وقطعة كيك فيها خارطة عالم كبير..

واصغر الاشياء فيها موقع بلاده
وصورة سوط جلاده
ويشعل شمعة الخمسين..

يدينه ترتعش واهاته تزيد


اه ..اه ..اه..اه
وكفه تحمل السكين..


وتقسم صورة الجلاد الى نصفين..
وتبقى صورة بلاده..
ويبدا الطفل يتسائل عن بلاده
بلادي وين؟


ويبدا المشهد الثالث:
بلادك افتح القوسين=وتلقى بينها عندي شهادة موت وولاده

انا المعجون فيها من زلال الما وطهر الطين
وانا المذبوح فيها والمكفن داخل مهاده

وانا صوت الجياع اللي يضيع بشارع الستين
تدوسه قهقهات السيدات وضحكة السادة

وانا طعم المصايف وارتعاشات الرطب والتين
اذا طاب الجنا بعد العنا في يوم ميعاده

وانا المقهى القديم اللي تربى داخله جيلين
هو الجنة ولكن الشقا بعيون رواده

يمر الجيل الاول والطلب براد ابو قرشين
وقطعة سكر بطعم القهر في شاي براده

وياتي جيل ثاني عين مغمضها وفاتح عين
خدر..شيشة..معسل من بعدها نوم ووسادة

وانا اللي لاجلها سافر وضاع بمجمع البحرين
لان الخضر باعه واسترق منه البحر زاده

بلادك؟ماهي اللي شفتها فا الخارطه ها الحين
مثل ارنب صغير ومختبي عن عين صياده


ويبدا المشهد الرابع:
وتشعل شمعة الخمسين..
برابع يوم من تشرين..
وكان امس الاحد ولا احد الا
حديث اثنين..
طفل مقعد وابو مسكين..
وصورة عنتر الجلاد مقسومة
الى نصفين
ما بين الكيك والسكين..
ويبدا الطفل يسأل في براءة
بس هذا مين؟


ويبدا المشهد الخامس: تبي تعرف وتفهم مين؟
هذا اللي راكب الشعب وموثق فوقه شداده

هذا نسخه ولكن تايواني من صلاح الدين
وعنده سيف عمره ما صحى منداخل غماده

فتوحاته كثيره من جبل طارق لسور الصين
مضيق صدر موسوعة جينس من كثرة امجاده

بطل في كل ليلة يخترع له معركة حطين
ولكن كلها في شعبه الغلبان وبلاده

عرفته مين؟..
ويضحك طفله المقعد..
وتطفي شمعة الخمسين..
وتبقى صورة الجلاد مقسومه الى نصفين..
ما بين الجرح والسكين..
في اخر ثانيه تلفظ نفسها برابع ايام الشهر تشرين

تباعا ًتهرب اضواء المدينه من ضفاف السين
مثل عقد انفرط لوله صباحاا في نحر غادة!![/align]