أدق التفاصيل

أخواني وأخواتي أعضاء وزوار المرقاب العالي إليكم :


[poem=font="Simplified Arabic,6,black,bold,normal" bkcolor="transparent" bkimage="" border="groove,4,deeppink" type=2 line=0 align=center use=sp num="0,black"]
صحيتني فالثلث الآخر من اللـيل = أحـرمـتـنـي نــومي وانا كــنـت نــايـم

شاركتـني في وزنة المـد والكـيل = وتـــقـول عـنـي فـيـك مـانـيـب هـايـم

ولازمـتني حتى بـ ادق الـتفاصـيل = وش عاد اسوي واكسب رضاك دايـم

لابارك الله في هـل الـقال والـقـيـل = الـمـارجــيـن مـروجــيــن الــنـمـايــم

الحـاسـديـن الحـاقـديـن الـمـغـاليل = أجـسـام بـنـيـادم عــقــول الـبـهــايــم

عانـيـت . لاوالله تـوذيـت بالحـيل = ماهــيـب هـي يـالابــسـيـن الـعـمايــم

لــكـن يـاحلـمي هـلابـك هلا هـيل = عـــداد مـاهــبــت عــلـيــنا الـنـسـايـم

قلبي غدى لك طاب فالك مداهـيل = بـالـقـيـظ والا مـع دخــول النـعــايــم

أشـعـل لـجـياتك شـمـوع وقناديـل = وافـــراح ودلالٍ تـــصـــب وولايــــم

صادق قـسم بالله ماهـوب تـمثــيل = والا عــلى مايــخـلـف الــسـلـم قــايـم

ولاهوب كذبة شهر نيسان وابريل = الـلـــي يــبـررها ردي العــــزايــــــم

أميل معك وعن هوى غيرك أميل = عــن حــب هــذيّـه وهـذيـــك صـايـم

غنـيـت لعـيونك طروق ومـواويل = لــعــلــهــا كـانـت لــذوقــك تــــلايـم

اخــتــرتـها مــن مـنبـعٍ كـنه الـنيل = لـولا ضـلوعي تــردعـه جـاك عـايـم

وصلت به صفـوة عـقول ورياجيل = غــنـيـمــتـي يـامــدركـيـــن الـغـنـايـم

من حط بين عـيونه الجدي وسهيل = مــايـلـحـقـه لــو مـاوصـل لـوم لايــم

والمعـذره والعـفـو ماودي أطــيـل = والا سـمـاي أصـبـح مـلــبـد وغـايـــم[/poem]