ياما وياما !

السلام عليكم ورحمة الله وبركاته


هذي طوّل الله عماركم بيوتٍ طرت عليّ بعدما دخلت على ربعٍ يلعبون بلوت وسلمت عليهم ولا ردوا السلام ،
وقعدت عندهم شوي ليا علومهم ماناسبتني ولا أعرف أكثرها وتمثّلت بمايلي :




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لقيت جيلٍ مايرد السلاما=وقلت لهم الطرقه عساها سليمه
قالوا علومك قلت عندي علاما=ما أعرف حداثتكم علومي قديمه
عندي علومٍ للرجال القداما=وقت المهنّد والسواري وريمه
وصيد الحباري والضبا والنعاما=بالبندق المزغوف وأم البشيمه
وأيام ريمه بالرسن والخطاما=وأيام للرجّال شيمه وقيمه
ومجالسٍ فيها سوالف نشاما=محدٍ عرف " خسرت " وهرج النميمه
أهل النقا والصدق ياما وياما=خلوا خصائلهم وراهم يتيمه
لو إنها تبكي لهم ماتلاما=ورثة رجال وعقّب السيل ديمه
يابعد فرقٍ بين عاما وعاما=والفرق بين الراحله والمقيمه
يامن ترك ورثة خوال وعماما=ماجور من لا ضمّها في صميمه[/poem]

/
/

[align=center]الشاعر / هادي بن عايض بن شنيف[/align]



..