ملّي وربْـع !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياخالد الحربي ياصيّاد الظبا= بالله ياخالد كم ضلوع الظبي
عطني عددها لاتقلّلي وش تبا= وإصبرسنه وإنشد بعدها ويش أبي
وأن بندق القناص ثارت في الخبا= ففداك راس الظبي وفداك طْلبي
مادمت أنا وإياك في الشرق إغربا= واليعربي يعرف علوم اليعربي
اللي يسلّم ماله الاّ المرحبا= في مذهبك يابورباح ومذهبي
ترى البعير أمّا برك وإلا حبا= وشعيل يبرك يالجميلي ويحبي
والعيب ماهو في الحصان اللي كبا= العيب في الخيال يدبي به دبي
حتى بلغ سيل الدواهي للزبا= في ساعةٍ تكشف علوم المختبي
بلقيس جاب أخبارها هدهد سبا= والعرش جابه من يقول إعتد بي
قصه وعبره ماهي بقصة ربى= ولا قصص روبي وريما مكتبي
اللي يردّدها من يْحقّ يْهبا= على كابتشينو وشاهي مغربي!
ياخالد الديره تولّجها الوبا= ماوفّر الشايب ولا وفّر صبي
والزرع ياخالد تولّوه الدبا= والفقر ماهو عيب والجوع صْلبي
من نيته مابين بيضا وشهبا= مابين حلمك يالجميلي وغضبي
بعد الذكا ملّي وربع عن الغبا= بس الذكي يسوى ثمان إمية غبي
وإلا أنت ياخالد خطيب من خْطبا=فاهم وعارف بإنقليزي وعْربي
علمك وصيتك مع طوارف وأقربا= والطيب منك وفيك ماهو بأجنبي
القصد تاخذ ركعتين في قبا= أظنها أبرك من صلاتك في دبي
والبيع جايز والحرام أكل الربا= ها إسمع وردّ العلم في سد شنبي
من طاع فاز وخسر رجالٍ أبا= ميّز وشف فرق البشوت عن العبي
جاك النبا وأنا أنتظر رد النبا=( ومسليمه كذاب ومحمّد نبي)[/poem]