جرايم هيئة المعروف ( المصافحه الاولى )

جـــــرايـــم هـيـئـــة المـعـروف

[POEM="font="Simplified Arabic,5,black,bold,normal" bkcolor="transparent" bkimage="" border="double,6,gray" type=1 line=0 align=center use=ex num="0,black""]


على الله نبتدي صدق الكلام وللكلام الـوان=كلام ٍ يسمعه ويحس به من شاف عنوانـه
كلام ٍ يختلج في داخلـي مايحتمـل كتمـان=الين ابديه واصدع به وابيّن فيـه برهانـه
شبعنا من خفافيش الصحافه من ولد علمان=ثعابين الظلام اللي مـن الاحقـاد مليانـه
على الهيئه من التشكيك والتضليل والبهتان=هجوم من قلوب ٍ عن طريق الخير عميانـه
دعاة النار عبّاد الغرايز طغمـة الشيطـان=هل التغريب والتشريق سيسانـه وبنيانـه
تربوا في ( ....... ) الفساد بمجمع الاوثان=خذوا منه انتكاسة فكره وكفـره وطغيانـه
على كثر البلاوي مالقوا غير المره ديـدان=على خطة يهود استحكم بغـزوه وعدوانـه
يبون المجتمع من حشمته متفسخ عريـان=يناعق معهم هدوس لنشر الـزور جربانـه
على زلّة عضو ينشر خطاه بأحمر العنوان=جرايم هيئة المعروف فضايح آخر ازمانـه
يصفق معهم اللي للفضايح يرتقص فرحان=وكنّ الهيئة اكبر ذنـب لايسمـح بغفرانـه
نسوا كم اهرقوا خمرٍ تدافع كنّـه الوديـان=وكم وكرٍ سكنه مشعـوذٍ جـرّوه واعوانـه
وكمّ من للدعاره بيت ساووا سقفه السيسان=تهاوى في سحيقٍ واستقر بداخل احضانـه
وكم مصيونة ناوي رداها بالغـدر شيطـان=حموها واستروها قبـل ينهشهـا بنيبانـه
اذا ماكانوا رجال الشدايد معتليـن الشـان=اجل من ننتخي به بعد رب الكون سبحانـه
فضايلهم تعليهم على روس البشر تيجـان=رجالٍ والرجال اللي تبيـن بسـاح ميدانـه
وانا احسبهم ولااعصمهم عن التقصير والنقصان=ولكن فضلهم يفرض لهم توضيـح تبيانـه
تقدم لاعدمتك ياعضو في ساحـة الميـدان=تحر اللين والحكمة وحـذرا لسـع ديبانـه
تقدم واترك ارباب السوابق والغزل يافـلان=مصنّعة الاشاعة صاحـب فلانـه وعلاّنـه
ابيلقاها مدام انه على المؤمن سليط لسان=نهار يكب وجهه في جهنّـم سبّـة لسانـه
تقدّم وابشر بعزّك مادامك طايـع الرحمـن=وخل الكلب ينبح لين ربـي يقطـع لسانـه
سلام الله ياقلـبٍ توقّـد يحتـرق غيـران=لحراس الفضيلة عـدّ وبـلٍ هـلّ هتانـه [/POEM]

وتقبلوا تحياتي