لـــبــــيـــــــك

[poem=font="Simplified Arabic,6,black,normal,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لبيك ياشوق ياللي في رياضي تستبيح المكان=هيمنت باالوضع من بعد استحليت المقام الرفيع
أنت احتويت المشاعر كلها والوقت ماله آمان=وعرفت لو ضاقت اصدور العرب صدري من اجلك وسيع
أنوخ اركاب قافي لو قسى وقتي وجار الزمان=وأسلمه في يمينك من مودّع يستلمه الوديع
أسرفت بي يانظر عيني وطوّيت الرسن والعنان=وطوّيت حبلٍ على محالته يسقي قطيع وقطيع
منك الضوامي تلج اصواتها مابين قهر وهوان=نشّفت شراينها واستدركت ون نبهت ماتطيع
مدري متى ياغصين البان تدري عن عذاب الكيان=ومدري متى ياشقى روحي تحاول قدر ماتستطيع
هل تعلم أنك ليا لديت فيني يستدير المكان=والسالفه كلها من قبل لاحكيها تــتــوه وتضيع
لاشفت سودك ليامن سلهمت تمتم طليق السان=أستطرم الحر وأستطرامته في النطق شيٍ فضيع
وهل تعلم اني وهبتك كل ماملك دون ماملك ضمان= وهل تعلم اني عطيتك صك في حالي تسوم وتبيع
خلاص يكفي تعبت ويامعاني وافقتك السمان=لدي عسى الله يبدل صيفي ألأقشر بحلو الربيع
[/poem]