(( شذابة أعروق العراقيب ))

السلام عليكم ورحمة الله وبركاته ...


تجديد روح التواصل ..

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بسم الله أبدا وأرسلي يامكاتيب "=" حثي على الساعي يعجل بريده

تراي كتله من مشاعر وأساليب "=" على مزاجي لابغيت القصيده

وأن جاتني الابيات من غير ترتيب "=" رتبتها باأحساس فكر ونشيده

أسوقها سوق أمهات الدباديب "="وأقطع بها كل الدروب الزهيده

ياما قطعت أمن الغياهب غياهيب "=" وياما تعديت الأمور المكيده

وأنا بفضل اللي عطاني الأساليب "=" عرفت وش معنى البيوت الفريده

وعرفت وش معنى خيار الأصاحيب "=" اللي تدلك للدروب الرشيده

وعرفت شذابة عروق العراقيب "=" نقص ٍ على الدنيا ودين العقيده

وأنا بأذن من يعلم السر والغيب "=" اللي جعلنا كلبونا عبيده

مايفرحون مجمعين العذاريب "=" موتي بحقدس يالنفوس الحقيده

البارحه يوم أسهر الليل وأغيب "=" عن عالم ٍ مامنها ألا النقيده

جتني مراسيل ٍ وراحت مناديب "=" وأخر محطات الرسال الجديده

يقول فيها راعي السو والعيب "=" شعر النبط ماأقدر أعده وأجيده

يقول في ملاحظات وتعاجيب "=" وأنا ملاحظتي أشد القصيده

عشان عديت الشعر فالمعازيب!! "=" وكسبت معرفة النفوس الحميده

كسبت جمهور ورقيت المراقيب "=" وأسعدت ذايقة النفوس السعيده

من روس شمر والسبيع ودغاليب "=" وروس أقحطان وروس عبس وعبيده

وصار أسمي مداول على العز والطيب "=" وأسمك غدا مثل العجيبن بعصيده

تقول كسبك خيرة الفطر الشيب "=" والفارس اللي ذاع صيته حفيده

أتمجد أفعالك أمام الرعابيب "=" حتى الأمام الشافعي جيب بيده

وفكيت مسجون وصرفت الدواليب "=" وخاويت منهو شيخ قوم وليده

ما باقي الا تقول شلفا تراحيب "=" شلفاي والها قصدين ٍ عديده

غبي ومن كبر الغبا مالك أصحيب "=" طمعت في ورث الوليد ورصيده

يابوك أنا لاعودت للمكاسيب "=" كسبت من فعلي وممشاي سيده

شاعر ولي مبدأ وعدة تجاريب "=" أمن الكويت أليا الخبر للحديده

ربع ومعازيب وقرابه وأجانيب "=" مقدارهم فالقلب مدري وريده

لاعبت والا رحت عنهم فلانيب "=" أجحد مواقيف الرجال المجيده

تنشد عن أغيابي طوال الأشانيب "=" وجتني مشاريه الرجال المفيده

فالهاتف أرسالاتهم دون تعقيب "=" وسط المجله والا وسط الجريده

وأن جاتني دعوة عريب المجاذيب "=" لبيتها من حب قلبي وجيده

أركب على الفكسار وأطوّح الجيب "=" وأقطع مسافات الدورب البعيده

تشهد علي أهل الشعر والمعازيب "=" على مصامخ روس عنف وعنيده

والأ انت يالشاعر قريب المحاضيب "=" أن مت ماأنت بشيخ قوم وفقيده

فالقافله تمشي بلا شكه وريب "=" ونبح الكلام ألقم لها كم حيده

[/poem]