البيرق المنكسر !!

السلام عليكم ،





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مافيــه داعــي تهـلّ الدمـع من شاني=بكـره يقـولـون ليـــه الحــبّ بكيـّتـه

.

أنـا تـمنـيّــت تذكـــرني وتنســـاني=وأنتـه يـا ليتـك تمنــىّ اللـي تمنيّتـه

.

رسايلك جـــات .. بيـن أسمــي وعنواني=وتعلّـقــت بيـن .. ضيّـعتــه ودليـّـتـه ؟

.

بعض البشـر لــو يدوّرنـي مـا يلقـاني=وبعض البشــر لــو يجاذب سيرتــي جيتـه

.

لا تنشــغل خلـّنــي يـا سيـد خــلاني=استسمحـك وقتـي اللـي معـك مضيّتـه

.

قـل فـارس الحـلم .. خليّتــه وخــلاني=أو قـول بالعكـس .. خلانـي وخليـّتـه

.

ياسيفي ودرعـي وخيلـي وميــداني=البيـرق المنكســـر لرضـــاك رزيـّـتـه

.

أمــوت مـن ضيقتــي ميـر اللـــه أحياني=وجـوارحي معك لا حيّــه ولا ميتـه !

.

رغـم اني اعانـي مــن الوقـت ما اعاني=صبيّت صبــري على جرحي وداويتـه

.

يا الـلي تبيـها ســوى وصلي وهجراني=الأوّلـه زلّــهــا .. والثانيــه ليتـه

.

فرشــت لك صدري وشلتـك في وجداني= وأرتحت في قلبي المفروش وأذيـّتـه

.

فـي ذمتــك لا تراودني علـــى أجناني=وصلـت حـدّ الجنـــان ولا تعديــّـتـه

.

وان قـلت وشجاك مدري منك وشجاني=قطعت حبل المحبّه يوم شديـّته !

.

أراجع الذاكره وأكوسر ألحاني=وكم طاري ٍ ما نسيته لو تناسيته

.

العام أنا .. مبتلش في عقدة لساني=واليوم أنا .. شاعر ٍ ما ينهدم بيتـه[/poem]




وسلمتوا ،