أصحـاب الســعـاده !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالهجـوس اللي تـداحم هات حيل وهات حيله = المـواقف كايـده والكـايده تبغـى جـلاده
هكذا عين المخيـّل شافت بـروق المخيله = عينــه اللي ما بعـد شيــّك نظــرها في العياده
من على موج البحر والاّ على راس الطويله = ما يسيـر اللي مضـرّيها على قـلّ وزهاده
يضرب الواحد على المليان والمولى وكيله = يا تجي رزق وفرح والاّ تجي فقر ونكـاده
وعبر هذا المنطلق يا هاجسي عـِنّ الأصيله = إنطلق والريـس حامي كلّ خيّال وجـواده
حط خشم الكايده من فوق خشم المستحيله = والله الله في الركـاده والهـدف يبغى ركاده
ماني مغنـّي طرب في ريـم والاّ في جميله = وما أنكر إن قلبي غريقً في هوى راعي القلاده!
المجـال أكبر من النظـرات والعين الكحيـله = وأكبر من الغادي اللي كل همـّه شوف غاده
يهـرج العاقل مع العقــّال ويورّد دليله = عن دمار وعن عمـار وعن ذنـوب وعن عبـاده
للتـراكيب الخفيـفه فضـل في نقل الثقيله = يعني أشبك غارب المفرود في رجل الجراده !
والمكـاسب ما تصنــّف بالكثـيره والقليه = باب دكـّان الذهب يفتح على ورشة حـداده !
جوهر المكسب هو التصنيف في عدله وميله = معتمـد من قبلنا ما جيت أطالب بإعتمـاده
الزياده نقص فيما تكسـب الكف البخيـله = ومكسب كفوف السخـا نقصه يسجّل له زياده
عاش كسّاب الجميل ومات كسـّاب الفشيله = ولا يلام المجتهد ياأهـل النظر بعد إجتهاده
يمكن الغايه حـلال وحـرّم الله الوسيله = مالها تبـرير هذي حكمة الله في عبــاده
ذا يشـلّ ويا عويـنه ذا يحـط ويا حليله = كل واحد له مـراد وودّه يحقــق مــراده
نعرف أهـداف البشر فيها السمينه والهزيله = ذا ينـاظر للنجــوم وذا ينـاظر للحمـاده
بس يا راعي الغنـم لا تنــظر لشيخ القبيله = إعرف إن رعي الغنم نوعً من أنواع القياده!
كل جسمً فيه دمّ وكل دمّ وله فصيـله = وكل حــدّ ٍ منه جـرح وكل جرحً له ضمـاده
الحيـاة بكـبرها ما أشفت عميلً من عميله = حسب قـربه وإبتعـاده ساق مـدحه وإنتقـاده
من دروس الوقت ندرس كل يوم وكل ليله = والهـدف راس الجمل وأن ماحصل يكفي شداده
المهـم إن الحصيــله يا مـدوّر للحصيــله = درس واحد بس هو شيخ الدروس المستفـاده
ماعـرف طعم السعاده من يعيـش بْلا فضيله = وإنشـد أصحاب الفضيله من هم أصحاب السعاده !
[/poem]