كل عام ومن نود بصحه وعايش بخير

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
كل عام ومن نود بصحه وعايش بخير=بأمر رب الكون سبحانه تجلا في علاه
خالقٍ خلقه وكافل رزقه لذيبٍ وطير=وإنسه وجنّه ومن يزحف ويسبح مانساه
أقبل الشهر الفضيل اللي به الخير الوفير=رب بلغناه وإرزقنا صيامه والصلاه
وإعف وإرحم وإرزق الغافل بصحوه فالضمير=وإقبل التوبه ليا من تاب وإقبل له دعاه
وإعتق عبادك في آخر ليل منه من السعير=وإجعل الجنّه لهم مئوى ومنزل يا إله
وإنصر الاسلام وإنصر كل مسلم له نصير=مثل عبدالله ملكنا ياعسى روحي فداه
ونايبه سلطان سلطان المكارم له شوير=ونايف اللي للوطن درع وذرا قاهر عداه
وإخزي اهل الكفر وإفتك بالكبير وبالصغير=الطواغيت العصاه ومن مشى خلف العصاه
وإشفي اللي له شهر زايد شهر فوق السرير=لاهتنى نومه ولازاده ولاشربه هناه
من بلاه إحتار دكتور وممرض مع مدير=والجماعه والمعارف حايرينٍ في بلاه
لاتحاليل اظهرته ولا اجهزه بايدي خبير=ولاعلاجٍ فاد به من مبتداه لمنتهاه
الشفا بيدك ولاغيرك على ذلك قدير=اطلبك وأدعيك ياللي عالمٍ داه ودواه
[/poem]