تضمى عيوني لك

كاول مصافحه متناثره لي آهنا بينكم
آمل ان تنال رضاكم
وكل عام وانتم بخير
.
.
تضمى عيوني لك
اذا جيت عالبال
وليش انته غبت عن بال غاليك؟؟

تضمى وتنشـف
كن دمعي سقط لال
حتى دموعي لال من كثر مغليك

الحال لاتنشد على راعي الحال
انساك لــكن قلبي اللي يناديك

من غبت
وانا حاول بكل الاحوال
آنقصك,
وتزيد لي بكل مافيك

اهد شوقي فيك ..من دون اقبال
وتقبل وكن الشوق بالحال يبنيك
من ماعرفتك
ونت لك خير منزال
بحدب الضلوع العوج ساكن معاليك

اعرفك طيب
ومالك بقيل والقال
والطيّب اليا قال كلمه وتكفيك

اصيل متعلم
وباني لك آمال
تسعى تحققها بما فيك يعنيك

اغناك ربك حسن
من دونه المال
حاذر
جمالك يجرحه طرف عينيك

لاسال دمك طيب دمي قبل سال
ماشكي من الصد
حاشا كيف اشكيك؟

لامن شكيتك جيتني وكلك وصال
ونا ابيـك برغبتك من وله فيك

صح لسانك وكل عام وانت بخير

صح لسانك وبيانك
وكل عام وانت بخير

صح لسانك
قصيدة جميلة باسلوب السهل الممتنع
عذوبة كبيرة يحملها هذا النص الراقي
كل عام وانتم بخير