اخطر ضحاياهن تداويه ...

السلام عليكم
بعد طول غياب اعود اليكم املا ان يحوز ما احضرته على رشاكم وان يرقى الى ذائقتكم العالية[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الراس من كثرالهواجيس حاير= والقلب تالي كاثرات هجوسه
والنوم ماقبل علي العين زاير= والفكرشارد والدموع محبوسه
والشيب غطى الراس والدم فاير= تقول يرعى بالمعاليق سوسة
لانيب من راعي الدنانيرغاير= لوالمصارف ضيقتها فلوسه
ولاهوب همي هم راعي العشاير= يوم الحيا صيف وغابت عسوسه
القاع مدهر والليالي عساير= وحنينها يركي على الكبد موسه
او هم فلاح كلته الخساير= وبانت علامات العطش في غروسه
مافي يدنيه مال والجم غاير= وقلوب غرسه قالبتها اليبوسة
ولاهم حب منقضات الظفاير= عقب البلوغ وقبل سن العنوسة
اللي شعرهن فوق الامتان ثاير= واخطر ضحاياهن تداويه بوسة
همي زمان بالمناعير باير= يقدر الانذال ويذل روسه
دنياعلي المخلص تجرالجراير= بخفوفا تاطا عليه وتدوسه
من جورها ترفع خبيث السراير= ومرير مامون السرارير تحوسه
يالله يامنشي المزون الغزاير= ياللي جميع الامر بيدك تروسه
تجعل لنا من فضل جودك ذخاير= وتكفي تصاريف الزمان وعبوسه[/poem]