بيتك بالـحَــفَــر ..

والله ما عندي شي أقوله بخصوص غيابي..لكن فديتكم عضو عضو والله ..

ويشهد الله ان المرقاب له بالقلب ماليس لغيره ..

جديدة احملها لكم أتمنى لها القبول ..

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لشجر ماله نصيب امْن الخريف..=لو تعرّى من ورقْه اسمه شجر..
يحتري فصلٍ يجي عقب المصيف..=فيه يتـْساقط من الغيمه مطر..
وانت ياللي رحت تحـْــتضْنك جنيف..=مالك الا حضْــن بيتك بالحَفَر..
شارعِك يبكيك لكن الرصيف..=فضفضتْه أقدام من فوقه تِمر..
والا انا وش بعد ما شفته بضيف..؟=انتـــــظــر ؟ ماظن والله انتـــظـــر..
خـذ ثلاث ولا تقول بيوم كيف..=والثلاث أشيا تجارب بالعمر..
البصــير اللي يقــــدّيه الكفيف..=ذاك جـرح ايْحاول يبـــرّر عــذر..
والشـديد اللي يخــاف امْن الضعيف..=ذاك عـــزم الشهْـم حاصرْه الفــقــر..
والثقيل اللي عجز يحمل خفيف..=ذاك شِعْـــرْ اتخلّـله حشوْ بشطر..
الحياة ايدين والتفكــير سيف..=والحــذر ماهوب ينجي من قِدَر..
طرقي الاحلام مايلقى مضيف..=لا سرى في بال يرقد به سهر..
حيلة العاشق مسامرته لـ/ طيف..=وحـجّـة المعشوق باللــقــيا خـطــر..
البنادم كان ما يلحـــقْه حيف..=من فعــل يمناه لا يخشى القهر..
ســد جـوع المعـدم بكسرة رغيف..=وجوع من يملك ملايين استمر..
من يشوف انه على دنياه ضيف..=يجعـــل سنــينه لآخرته مــمــــر..
الحقيقه في ذرى الغايات زيف..=وانتصار الـذات مسلــكها وعـــر..
الوصول ان كان ما يثمر مخيف..=والطمـــوح ابْــلا هدف جهد انهدر ..
وان توارى الضيق خلف العين شيف..=الشعــور الفـاس والصـدر القبر..
من يسافر قصده الجو اللطيف..=يا غني يا شخص ماطاق الصبر..
يا بعيد الخطوه اجلس في جنيف..=الحفر معـشـب ومسقيه المطر..
شاعرك واعي فكر قلبه نظيف..=شعــــره ايـّـامه وجنّـــتْـه الحَفَـــــر..
[/poem]