حروة الوسم ،،،،،،،،،،

مساء الورد




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


على جرد الصحاري لاح لـمزون الحيا براق=بعد عشرين عام من الدهر والقيض والشده
تولتها السنين اللي قساها يبّـس الاريـاق=ولا خلى عليها صـرح للآمـال مـا هـده
فيافي موحشة ونفوس وصلت لآخر الارماق=ووجهً دمعته لولا الحيا سالـت علـى خـده
ملامح للجفاف اللي يدينه تلـوي الاعنـاق=نمت في كل بقعة فالوطا مـن حـده لحـده
هذاك العام والا اليوم طار الطيـر فالآفـاق=وغرد كل بلبل وانتشى وش عاد مـن قـده
بدى للوسم حروة والمزاج اللي تعكـر راق=وراع الذاهبـة سنّـع خبرهـا وارده عـده
هلا يا مرحبا من خاطري ترحيبة المشتـاق=لو انك مانت في جده ولكـن نـورت جـده
هلا بك لو هلا ما توصف اللي داخل الاعماق=ولا تاصل مقـام الـود والاشـواق والمـده
انا والقاف والهاجـوس والاقـلام والاوراق=لمثل اليوم هذا ما احتسينـا العـدّ والعـده
وقفنا نفرز المخزون والمعروض فالاسـواق=لعله يوفي المكيال من صاعـه ومـن مـده
ومرّت كل سلعة غالية ترضى بهـا الأذواق=ولكن النبأ واللي يليـه أكبـر مـن المـده
مزيج من المشاعر تختلج ما يقدّر الخفّـاق=يميّـز كمّهـا ويصنفـه بالنـوع والحـده
كأن الوصل وده يشتكي من كل يـوم فـراق=وكم حاول يواصل سكته مير الزمـن حـده
كأن العين تعزم تنتقم من كل ليـل ارهـاق=قضت فيه الدقايق شاكية من لوعة الصـده
كأن الشوق قرر ينتهي من حيرتـه بعنـاق=ويرمي خلف ظهره محبطيه ومن وقف ضده
طرف مني يعيش فصول حلم وللهوى تـواق=والآخر ملتفت للوقت في هزله وفـي جـده
تفاؤل يصحبه بعض الحذر من حزة الاغلاق=من اللي يا خفوقي من زمانه قد ملـى يـده
زماني يا زماني وش بقى في ذمة العشـاق=عسى رجعتك مافي سدها هجمـات مرتـده
ترى العقدين كانت كافية واللي رعى الميثاق=كفايـة تحرجـه وتلوعـه وتبيـح بسـده[/poem]
















,