صفحة اليوتيوب

السلام عليكم ورحمة الله وبركاته
أخواني مرتادي هذا الصرح الشامخ
أصافحكم بهذه الأبيات أرجو لها القبول :

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالشاعر اللي تجر الصوت بالشيله=بأسمك على صفحة اليوتوب لاقيها
ماتنتحول لو تحطلك تحويله=أوضح من الشمس بينتن معانيها
مالك وراها حصيل ولالها قيله=عوجاً تجانف ولادري ويش داعيها
لكن تبشرلها مني بتعديله=تردعك عن مثلها معاد تطريها
حنا ترانا عرب مانقبل الميله=نفهم معاني بيوتك لوتخفيها
ونرد مردودها من غير تزليله=سمن عيونك يكحلها ويعميها
يبقى ليا أتلا ولد طول الزمن تيله=يجرح مشاعرك وجنوبك يعريها
مايذبحه سيف نسيان الزمن غيله=ينقض معانيك فاولها وتاليها
بنت العبيه مدار اليوم والليله=تلفح وتلعب تحت تدبير راعيها
راسن تدله ليا ضاعتبك الحيله=وأهل الهقاوي تخلت عن هقاويها
مايرتخي فاللوازم يوفي الكيله=من روس قومن معربتن مجانيها
وألا أنت فيدت ندم تجفل من الزيله=تتلي عجوزن هوانك من تواليها
مير أستلمها على المعنى بلا شيله=ودي لو الصوت يعطيني وأغنيها
[/poem]