تـــموت البشاير ... !

مسائكم / انتم

متواضعه تتطلع للقبول ..


[poem=font="simplified arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

تموت البشاير في وجيه الزمان السود = ويبقى لوجهي وجه .. ماكف برّاقه
اسامر قضية خاطري... والهجوس شهود = ونبض الحقيقه مل .. مامل خفّاقه
لك الله ..ياوسم الزمن في خفا الملهود..! = مياسمك لكبود الرياجيل .. حرّاقه !
تعدّي بك اجيالٍ .. وتقفي عليك جدود = ولا ادري متاه يضيق حلقي بترياقه
اشيل بيديّه للبواقي .. قفل وقيود = وقلبٍ لا ناش الذنب .. عوّد لخلاّقه
على القصد اسايسها وتاقف عن المقصود = وانا ماني مخالف.. ولا " قاطع السّاقه "*
اغني هجوسي للسماء... ولهبوب النود = أغني من الحرقه ..وصبري على فاقه
وانا ماني ضعيّف ولاني قليّل ..فود = ولكن نفسي تجبر الجل لدقاقه
تمر السوالف مجلس العيب والمنقود = تبلل حلوقٍ للمناقيد ..شفّاقه ..!
على جلها واسفافها .. ماني بمحدود = ولا لي جمل مع جالبينه .. ولاناقه
واعق المجالس مجلسٍ مارباه الجود = به يضيق راع الكار .. وتقفّل أخلاقه..!
[/poem]