لا سلام ولا كلام ولا هدايا !!

السلام عليكم

قصيدة آمل ان ترقى الى اذواقكم

ولكم خالص تحياااااااااتي

ـــــــــــــــــــــــــــــــ


[poet font="Tahoma,5,black,normal,normal" bkcolor="transparent" bkimage="backgrounds/18.gif" border="ridge,1,indigo" type=2 line=200% align=center use=ex length=0 char="" num="0,black" filter=""]
من نهار الفطر الى عيد الضحية = لا سلام ولا كلام ولا هدايا

لو تلاحظ طالت المدة علية = لين باح الصبر من ذيك السوايا

والله ان القلب ماله مقدرية = عالفراق ان كان في قلبك نوايا

قلت ابوح بكل كلمة لك خفية = في دروب الهجر وادروب الخطايا

واعتبر ما صار لي منكم اذية = والغلا بالقلب باقي له بقايا

في زماني والليالي الاولية = يوم كان الحب لدروبك مطايا

كنت اضم الوردة اللي نرجسية = واحتضنها غير عن كل البرايا

واتمنى بس ليلة سرمدية = تجمع القلبين من خلف الحنايا

مثل قيس ومثل ليلى العامرية = يوم ذاقوا بالغلا سم المنايا

مات قيس وبه جروح داخلية = من عذاب الحب والهجر وخفايا

ما حكاها لين شاف ان المنية = في دروب الحب من بعض العطايا

وانتِِ انتِ يا عنود العاذرية = لك بقلبي جيش حب ولك سرايا

ان منعتي وصلك بتذبل يديه = وان جفيتي منك ياعظم البلايا

هو صحيح ان الحروف الابجدية = ما تجيب اوصاف محمود السجايا

آه وش بقول فالطله البهية = يا جمل اللي عاش في سن الصبايا

وانتِ انتِ عايشة بين البرية = بس وصفك غير عن كل البرايا

ورغم هذا والسنين الاولية = للاسف ما طال في حبك مدايا

صرت اشوف الحب في عيني قضية = والقضية غير عن كل القضايا

كيف محبوبي وهو يامر عليه = عقب ذاك الوصل يبدأ في جفايا

ما درى انه لو يزودها شوية = زاد تعذيبي وزود لي شقايا

واسف الموضوع باقي له بقية = بختصرها لو تزايد بي عنايا

خايفٍ تغدين شاهر لك ضحية = عقب ماهو منك يستاهل هدايا
[/poet]





وســـــــلا مــتــــــكــم