حلو الدر ..

السلام عليكم ورحمة الله وبركاته

الله يمسيكم بالخـير

..

الشعر اله شاعرٍ يحرص على شرده = ومن مفردات القوافي ياخذ الندّر
ياخذ من الجزل ويجنّب عن الخردة = حتى يجي مركزه في الشعر متصدر
قلب العنا يقتلب من كثر ما يرده = هجوس فكرٍ تِرِد للقلب وتصدّر
ما همّي الوقت لا حرّه ولا برده = راضي بما يسّر الباري وما قدّر
والخير يأسر وبعض الناس منقردة = ومن لا يقدّر هل المعروف ما قِدّر
فيافي البيد قدم العين منجردة = يا زين مشيٍ بها كان الوسم بدّر
شفّي شفا نجد من سفوه ليا فرده = والديرة اللي مسمّاةٍ بحلو الدّر
توضيح تلك الديار بكلمةٍ جردة = رغوه وزبدان والسرحي وما حدّر

وسلامتكم