من هي ؟؟ !

السلام عليكم



يامترفه علّميهن من هي الترفه
طبّي عليهن وهزّي مسرح القاعه

خلي الصبايا من الصاله إلى الغرفه
الكل منهن تناظر عينها الساعه

ياملهمة شاعرك واسمك على حرفه
حروف شعره على طاريك منصاعه

ذكرك فـ باله تعلاّ من على الشرفه
ألاّ بعد صورتك نقشت على اضلاعه*

من كثر ماهو يغار مخفّيٍ ظرفه
مايكشف المشكله لو زادت اوجاعه

خايف يزور الطبيب يشوف له صرفه*
ويشوف صورتْك في تقرير الاشاعه

حرّيف له مع عشاشيق الهوى حرفه**
زرع محبّتك وسط افواده زراعه

ابواب قلبه درفه وراى درفه
كل باب فاتح على الترحيب مصراعه

دمّه يفوّر وكف اخلاصه يغرفه
والود عود الغضا والهجر ولاّعه

حياته إليا اكتحل من شوفتك طرفه*
ولاّ حياته بدونك كلّها ضاعه !!

لحوووول

الله ولا الضاعه

الود عود الغضا والهجر ولاعه

ياسلام ياسلام

يبا يغلّق قاز الولاعه ويسلم العود

على العموم
ابدعت ياجمال .. صح لسانك ولاهنت
تحيتي