من واقع الدنيا ومن زيف الاوهام @@@ عبرت عن مكنون روح جريحه

[poem=font="Simplified Arabic,5,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]



ثوب المنام أتلبسه ليل الأنام=وأمست عيوني في شقاها طريحه
تخالفت مع نومها والسهر قام=فراع بين جفونها بالجديحه
وأنا احتديت القاف وألجمته لجام=لين أستوالي مع دروب القريحه
مر معه زرفال وأمرار درهام=بين الخيال وبين كلمه صريحه
من واقع الدنيا ومن زيف الأوهام=تعبير عن مكنون روح جريحه
تعرض خوافيها كما عرض الأفلام=في راس لحلوح سفوحه سنيحه
وإلا ذكرت العام وإللي ورا العام=إللي بقا وإللي عسى الله يبيحه
صديت في غيبة هواجيس جسام=شوف العرب والدمع ينضح نضيحه
وأكدت بإن العمر تطويه الأيام=وإن كان طول فالليالي تزيحه
وإن لذته لذه ولظروفه أحكام=كم بدلت غير الشريحه شريحه
دنيا حبايلها لووت كل مقدام=وألقت شبكها فوق الأريا الصحيحه
وتقسمت ثرواتها العالم أقسام=صدر بها أستاسع والآخر فحيحه
ولاعاد غير نظامها الحالي نظام=يحجب غثا المترديه والنطيحه
إمضايرة هياب مع طولة أقزام=شيفت صريحه يالوجيه الفليحه
لكن على مقولة الوعد قدام=قدام ياروح تسوم النصيحه
لأحلام ماتبلغ بتعبير الأحلام=والطيب ريحه عنه عبر مديحه
ولاينفع المنضام كثر التندام=وفجوج ربي قدم أهلها فسيحه
ومن لاضفا طيبه على سيرته خام=يكفي جزاه إلا توسد ضريحه
ومن يعرض الذمه على كل سوام=بأردا الثمن تالاه الأيدي الشحيحه
ونفس شقت بمجابهة كل ظلام=ماتغبط إللي في العسل مستريحه
هذا بعد ماقام هجسي ولانام=قمت آتمثنابه دروب القريحه
من واقع الدنيا ومن زيف الأوهام=عبرت عن مكنون روح جريحه[/poem]