~ أنااااني ~

[ALIGN=CENTER]



*
*

بافرش أوراق الزمان اللي حداني
و أكتب اوْصاتي على هامش كيانه

*... عاش عاشق ، مات عاشق .. يا زماني
يرحم سنين العشق .. يرحم زمانه

ما تهناّ كل حياته بالأماني
إنكسر بالخوف في غبّة أمانه

ذاب صوته في سكوته بالمحاني
و ضاع طيشه في مدارات الشطانه

كان ودّه للمودّه شكل ثاني
لكن أنياب الجفا تطبق عنانه ...‍! *

*
*

ليه أتعب في غيابك .. ليه أعاني ؟؟
و إنت .. يا كافي .. و لا كنك معانا ..!!

تخفي الأشواق عني يا أناني
و تبخل برشّة وله تروي ظمانا

رغم موتي في إنتظارك .. يا عساني
أفقد إحساسي .. و لا ارضى بالخيانه

زين طيفك لا تذكّرني و لفاني
إنتفض طاري هوانا من مكانه

و كلما مرني حنانك و إبتداني
إنتعش غصن الغرام و خيزرانه

و إلتقيتك ترسم دروبي أغاني
إبتسم ورد التراضي للميانه

تشعل شموع المحبة في مكاني
و تعتلي عرش الغرام و صولجانه

و أنت في صوتك حنينٍ لك خذاني
صوب سكة لهفتي ذيك .. الجبانه

تابت ذنوب التجافي بس عشاني
أنفض غيوم التباعد .. بالرزانه

إيه أناني .. و لو ما احبك يا لأناني
كنت أجازي هالمهانه .. بالمهانه

*
*



العنقاء


[/ALIGN]