من روائع المحاورات ( الزلامي و صياف )

الأعزاء الكرام : أرجو أن تنال هذه المحاورة إعجابكم ولكم خالص التحية ،،،،

رشيد
يا سلامي ها السلام اللي خفيف ٍ دمّه ** معه جنسية ويبغى له جواز سعودي
مشكلة صياف صارت بين ابوه وعمّه ** والسبب ناس ٍ تدق الملـح والبــارودي

صياف
مرحبا بالشاعر اللي ما قدرت آذمّه ** الليالي ما تغيّر والزمان ايعـــــــودي
الزلامي معه علم وكل شي ايهمّه ** مير لو يزعل تغيّره الليال الســـــودي

رشيد
كيف تدلي بالشهادة يا كبير الذمّه ** وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه
ــــــــــــــــــــــــــــــــــــــــــــــــ والعرب فالصيف تعرف عدها المارودي

صياف
العلوم اللي تحط الناس راس القمّه ** حبلها من يمكم يا صاحبي معقودي
ثوبك اللي ما ينوش الأرض غير ابكمّه ** نزله للجمرة اللي فوق راس العودي

رشيد
ودي اكشف غلطتك للعالم الملتمّه ** أنت حربياً تطالبني بورث اجدودي
يا محبين العقال ومنكرين العمّه ** خصمكم في الآخرة عبد الله المسعودي

صياف
أنتم رجال الشرف وعظامكم منسمّه ** أعبروا ذاك الطريق وحملكم مشدودي
أنت ما تدري عن البارود لين اتشمّه ** مير لا ترمي بها فالوادي المسدودي

رشيد
لوّ يا صياف علمي تمسكه وتضمّه ** تاجده مثل العسل وألا حليب القودي
أنت تحسب جدنا داب يموت بسمّه ** مير أنا باذل لنصره طاقتي وجهودي

صياف
يقطع الله ديرة اللي ما يعرف الجمّه ** والتجارة يالعتيبي بابها محدودي
قبرك اللي في تهامه بالتراب اندمّه ** تحفره بالليل الأظلم والعباد رقودي

الأخ العزيز عائش السفياني



بيض الله وجهك على هذه المحاورة القيمة


وين انت غايب عنا من سنين


الله يقويك ويعطيك العافية

الاخ / عايش بيض الله وجهك على هالمحاورة الطيبة

نتمنى عرض المزيدمن هذه المحاورات

بسم الله الرحمن الرحيم


عائش السفياني والحاضرين السلام عليكم ورحمة الله وبركاته

اكرر للمره العشرين والالف والمليون من اشد المعجبين باختياراتك


واصل بارك الله فيك ولا تبطي بمثل هذه المحاورات الجزله

وتقبل تحاتي
اخوك ابو تركييييييييييييييييييييييييي

عائش السفياني


لاهنت محاوره جزله بين عملاقين



صح لسانك شاكر لك حسن اختيارك




تقبل تحياتى