مجاراة.....لقصيدة الشاعر الكبير سداح...( يا صبح نورك...عليه اثبات)..

#1 23-03-2006, 04:54 PM

سداح...و كما اعتدنا...شاعر...يوظف شعره في قضايانا الاجتماعيه...ليكون للشعر رسالة سامية...
و محاولة للمجاراة....اقدم بين يديكم هذه المتواضعة آملا نيلها لاستحسانكم....

[frame="10 50"]
[poem=font="Arial,6,white,normal,normal" bkcolor="transparent" bkimage="backgrounds/22.gif" border="solid,2,skyblue" type=0 line=0 align=center use=ex num="0,black"]
***=***
يا صبح نورك عليه إثبات=شمسك على الكون شعـّاله
.
والليل لو يستر الغرات=يبدي من اسراره لحاله
.
البارحه والهجوس أفوات=مابين رجلي وخياله
.
شالن في صدري ثلاث اصوات=ونوم العوافي برن حاله
.
عقلت قلبي عن السجات=وعوّدت أسريّه بعقاله
.
وروابعه عقب راحت جات=تحط حمله وتشتاله
.
وأمسيت أجرّ النسم بسكات=وكبرت على القاله القاله
.
يا طول صبري على الميلات=وقت العنا فاض مكياله
.
حنا في وقت ٍ من الاوقات=يضفي على الخلق سلاله
.
زادت دشوش الفضائيات=وانا الفضا مالي وماله
.
جاء مع عرب سات نايل سات=يرسل وزانه ويبراله
.
موجة تطور على الشاشات=ريموتها يكبس الآله
.
والمجد من بدها بالذات = يا جعل ما يقطع ارساله
.
ما تعرض ألا ّ عبر وآيات=وصلّوا على محمد وآله
.
والسلـّه الباقيه هيهات=ماهيب لله وإنـّا له
.
قمصان نوم وعلوم وشات=بث ٍ فال الله ولا فاله
.
ارسل سلامك وهاك وهات=وكلٍ محضّر بجواله
.
عسل وصل والحنونه جات=دجال يضحك لدجاله
.
ناس ٍ بلاها حياها مات=شباب الاسلام يرثاله
.
الفن مع كاشف العورات=يصلح لشرواه وامثاله
.
يا الله لاتقطع الهقوات=وتبلّغ العود فـ عياله
*=*[/poem][/frame]

وردي علاه
[frame="9 50"][poem=font="Arial,5,white,normal,normal" bkcolor="tomato" bkimage="backgrounds/22.gif" border="solid,2,royalblue" type=0 line=0 align=center use=ex num="0,black"]

*=*
سداح...يا مهندس الابيات=و كل المعاني على باله
.=.
يسوقهن...باللحن ..جزلات=و يجلي الهزيلات...عن جاله
.=.
و مثايله...كلها ...عذبات=ويش.. العسل.....عند...عساله
.=.
ما كنها الا لبن خلفات=في وادي....قل ...مدهاله
.=.
روضه..كما...روض...محميات=يحظر ...من الخوف...تجواله
.=.
الا لكسابة الطالات=عن وسمهم...ترفع الحاله
.=.
وسمٍ ..ليا كبرت ...القالات= جا ...يمة الخوف منزاله
.=.
و الطيب...بين العرب...ما مات=و الرجل ...قيده....من اقواله
.=.
و قول...الفتى.... و يش؟ ...غير اصوات= ليا خانت أقواله أعماله
.=.
و اعمال الانسان..بالنيات=و دين الفتى خير من ماله
.=.
و المال.....ينقص....من الحسنات=ليا استثمر ..الشر...برياله
.=.
ببنوك...و لا تلفزونات= أو معرض ٍ صاح ...دلاله
.=.
وش لون يربح...من السيات= و مستنقع الشر و أوحاله
.=.
و نساه...يمشن.....عريانات=و مجالسه......لف...و بياله
.=.
و ان راح للغرب.....ابو لوثات= جاب القبايح.....من افعاله
.=.
خلى الصناعات و الخبرات= و عود لنا...يسحب اذياله
.=.
مهزوم...محروم...ابو نكبات=و استهدف الشعب...بهباله
.=.
و لا فيه...ما يجبر العثرات=ياكود " ابا الهش" و اشكاله
.=.
ما اكفاه...فالارض...هشاشات=من شرق كابل ليا دياله
.=.
قنابل ٍ صوتها ما بات= على المساكين محواله
.=.
و زلازل...تسبق..فياضانات= و وضع ٍ ...ما حالك..من أحواله
.=.
و شيخ التلفزون....ابو غزوات= غزوة...يا دانا...يالا لاله
.=.
الله من بلشة البلشات=اي العدا ....ياجب.... قتاله
.=.
روم ٍ و امامك على الجبهات= و روم ٍ وراك....يتحراله
.=.
مير الدعا...يا هل الصلاة=ترا المجيب....يتوحى له
.=.
طراه...يالعين...هالابيات=كلمات ...سداح ....و امثاله
.=.
اللي يغني بهن جزلات= و يجلي الهزيلات عن جاله
*=*[/poem][/frame]

23-03-2006, 04:57 PM

اسمح لي

حجز 1

24-03-2006, 11:36 PM

بن بتلا
الله يحييك
و يسلمك،،،، شكرا على مرورك....
بدر

23-03-2006, 04:59 PM

بدر تدري وش اقول

اقول عزالله انك يوم تنقيت قصيده تجاريها تنقيت

ويوم جاريت ابدعت

صح لسانك مدد يابدر

تقبل اعجابي وتقديري

وتحياتي

23-03-2006, 05:00 PM

الله الله الله ياسلام
صوت وصدى من شعار اعلام ولايعلى عليهم
شكرا للشاعر القدير الاستاذ بدر بن ثعلي على ذا المجاراه الرائعه وانتم اساتذه وفي غنى عن التعريف
وشهادتي فيكم مجروحه لانكم تستحقون كل التقدير في خاطري ماله حدود دام الله وجودك ووجود الاستاذ شاعرنا القدير سداح
ومن معانيكم نلتمس الحكمه
تقبلوا تحياتي وتقدير
اخوكم حسين الدوسري

23-03-2006, 06:43 PM

و الطـيـب...بـيـن الـعــرب...مــا مـــــات
و الـــرجـــل ...قــيــده....مــن اقـــوالــــه

ياسلام ياسلام

و اعــــــمــــــال الانــســان..بــالــنــيــات
و ديــــن الـفــتــى خــيـــر مـــــن مــاله

بيت يخفف ضغط الاسهم

بدر جاريت قصيده لامست الشعور بقصيده لاتقل روعه عنها
صح لسانك وعزالله انك ابدعت ,,

سلامي وتحياتي

27-03-2006, 05:21 AM

الاخ/ سعد الشيباني
حييت،،، و شكرا على حسن الاطلاع،،،
بدر

23-03-2006, 07:28 PM

بدر.. صح الله لسانك
ولسان الشاعر الكبير سداح
ابدعت وامتعت ..
تحياتي لك ..

23-03-2006, 10:02 PM

الأخ الشاعر المميز / بدر بن ثعلي

الحقيقة أن مدحك كبير ورأيك محسوب بلا شك وشهادتك محل إعتزاز أخوك

شرّفتني وأسعدتني بهذه المجاراه الرائعه والحق يقال

ورفعت من أسهم تلك المتواضعه التي من حسن حظي وحظها انها نالت إستحسانك

أنت شاعر بكل مايعنيه الشعر من معنى ... نصوصك المطروحه هنا رسائل تؤكد ذلك

بإختصار وبالفم المليان والقناعه التامه .. (( ماعليك زود ))

و اعـــــمــــــال الانــســان..بــالــنــيــات
و ديــــن الـفـتــى خــيــر مـــــن مــالـــه
..
و المـال.....يـنـقـص....مـن الـحـسـنــات
لـيــــا اسـتــثــمــر ..الـشـر...بــريــالــه
..
بــــبــــنـــــوك...و لا تـــلـــفـــزونــــات
أو مـــعــــرض ٍ صـــــــاح ...دلالـــــــه
..
وش لــــــون يــربــح...مــن الــســيـــات
و مـسـتـنــقــع الــــشــــر و أوحــــالــــه
..
و نــســاه...يــمــشــن.....عـــريـــانـــات
و مـجــالــســه......لــف...و بـــيـــالــــه
..
و ان راح لـلــغــرب.....ابــو لـــوثــــات
جـــــــاب الـقـبـايــح.....مــن افــعـــالـــه
..
خـــلـــى الـصـنــاعــات و الــخــبـــرات
و عـــــــود لـنـا...يــســحــب اذيــــالــــه
..
مـهــزوم...مــحــروم...ابــو نـــكـــبـــات
و اســـتـــهــــدف الـشـعـب...بــهــبــالــه
..
و لا فــيــه...مــا يــجــبـــر الــعــثـــرات
يــاكـــود " ابـــــا الــهـــش" و اشـكــالــه
..
مــــــــا اكـفـاه...فـالارض...هـشــاشــات
مـــــن شـــــرق كــابـــل لــيـــا ديـــالـــه
..
قــنــابـــل ٍ صــوتــهـــا مـــــــا بــــــــات
عــــلـــــى الـمــســاكــيــن مـــحـــوالـــه
..
و زلازل...تــســبـــق..فـــيـــاضـــانـــات
و وضـــع ٍ ...مـــا حـالـك..مـن أحـوالــه
..
و شــيـــخ الـتـلـفـزون....ابـو غـــــزوات
غــــزوة...يــــا دانــــا...يــــالا لالــــــــه
..
الله مـــــــــن بـــلـــشــــة الــبــلـــشـــات
اي الـــعـــدا ....يـــاجــــب.... قــتــالـــه
..
روم ٍ و امـــامـــك عـــلـــى الـجـبــهــات
و روم ٍ وراك....يـــــتــــــحــــــرالــــــه

الله الله الله

صـــح لسانك وعلا شـــانك

وشكرا للتكريم الكبير لاعدمـتك ،،

24-02-2007, 10:29 PM

ياسلام بدر بن ثعلي وسداح القصيد مافيه كلام ومقيم نفسه مايحتاج لنا
لكن الشكر لكم على الفكر السليم ومعالجة مشاكلنا بالقصيد الجزل

20-05-2006, 01:44 AM

الأخ الشاعر خالد الخييلي
شكرا لك على التفضل بالاطلاع،،،،
و اسلم لأخيك
بدر ..

23-03-2006, 10:09 PM

بدر بن ثعلي ..

عزالله انك يوم جاريت جاريت ..

انت شاعر مبدع وبدون ادنى شك .. والشهادة لله ..

وسداح مبدع آخر ودكتور بدع ..

لله دركما ..

وصح لسانك .. ولسان سداح ..

إعجاااااااااابي التااااااااااااام ..

سلامي عليكـ ..

23-03-2006, 10:15 PM

شاعرنا بدر بن ثعلي

قصيدة سداح تتوفّر فيها جميع المغريات للمجاراه
ابداعها ومضمونها وهدفها .. وانت جاريتها واكملت روعتها روعه
صح السانك
صح السانك
صح السانك

ودمتم لنا وللمرقاب

24-03-2006, 11:48 PM

الله الله

هنا تُحف ودرر وتميز وشموخ وجزالة

بدر بن ثعلي صح لسانك ولاهنت يامبدع

وسداح شاعر رائع وكلكم قمم شاهقة

تقبل الاحترام والتقدير

24-03-2006, 11:50 PM

ابي

اقرأ وارجع

يابدر

25-03-2006, 12:09 AM

[align=right]ابوضيف الله...

يا هلا و غلا...
زانت الابيات ....بوجودك...و انارت الصفحة بتشريفك لنا...
و الله يحييك... و لا عليك زود.... و الله ما تحب الا من يحبك..
اخوك بدر[/align]

25-03-2006, 03:55 AM

عزالله انك يوم تنقيت قصيده تجاريها تنقيت

ويوم جاريت ابدعت

صح لسانك مدد يابدر

تقبل اعجابي وتقديري

وتحياتي

25-03-2006, 12:22 PM

سداح .. جاب له راائعه .. وبدر جارى الراائعه برائعة مثلها

دمتما بهذا الشمووخ

ولكما كل التقدير والود

25-03-2006, 12:30 PM

الله الله يا سلااام

صدى وصوت ولا احلى منهم

من شعراء كبـار وشهادتي فيهم مجروحـه

فـعلا يا بدر أحسنت الأختيار كعادتك

وصح السانك

وتقبل اجمل التحااايا