طيب .. ولا للحزام إنكرب ؟!

السلام عليكم ، وصباح الخير

كيبورديّة تواصليّة عقب الغياب ،
والعذر يسبقها

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يا حيّ والله صباح الترف زين الدلال =اللي تمثى قدم عيني وصدري سرب
كل المشاعر تهافت في حسين القبال =والقلب يشرق على الغالي لونّه غرب
أرحِب يا سيد العذراى والفتن والجمال =يا كامل الوصف هوّ انته من أيّا عرب ..؟
يابو عيونٍ بها سود الليالي كحال =يا ليّن العود يا نود الهوى والطرب
يا سعد عين القريّب منك في كل حال =ويا فرح منهو من إعسول الشفايا شرب
شوفك وروفك علينا لا نطشّ العقال =ونفقد العقل عقبه ما يفيد الهرب
قلته وأنا صامل به ثم لفاني ومال =وأهوه يزيد الحنين ولهفتي لا قرب
ماهوب سهل المنال ولا صعيب المنال =لكنّ دونِه بواريد وسيوف وحرب
وأنا زبون الصعايب والمناوي حلال =على النقا طيب ولاّ لـ الحزام انكرب .؟!

[/poem]

صح لسانك

مبدع

لاهنت