الوجيه المفاليح

السلام عليكم ورحمه الله وبركاته
قصيده ترحيبيه في زواج البناخي حاتم السميري ارجوا ان تحوز على رضاكم
يامرحبا فالقصر مليون ترحيب
واعداد وبّال المزون المراويح

تبرق وترعد والمزن له رواكيب
تخضرالارض وينبت الورد والشيح

في حفل حاتم يفرحون المعازيب
بقدومكم ياهل الوجيه المفاليح

والضيف يفرح له من ابعيد وقريب
يبشر بدله مع سمان ٍ مفاطيح

والعود الازرق قدمه يفوح بالطيب
في واجب الضيفان نجني مرابيح

فالواجب المذكور ما لحظه انغيب
انقدّم الماجوب مع هبة الريح

ياهل الوفا والعز واهل المواجيب
يالاد سامر يالرجال الزحازيح

انتم هل الوقفات وانتم هل الطيب
اهل المكارم والبيوت المداويح

افعالكم ماتقبل الشك والريب
فالماقف الغصّاب قوم ٍ طحاطيح

تاريخكم شامخ ولابه عذاريب
تشهد عليه اشيوخ قوم ٍ مشاويح

حضوركم هالليل ساس المكاسيب
اعد قول الصدق مابه تصافيح

حيّاكم الله يالزحول الاشانيب
وجودكم مثل النجوم المصابيح

كتبت انا الابيات جزله بتهذيب
فيها القوافي والمعاني مناقيح
محمد مرزوق السميري