قصيدتان

قصيده موجهه لي من الشاعر العبد الروقي وقمة بالرد عليها على الرابط
http://www.montada.mergab.com/editpo...ditpost&p=1968

[poem=font="Simplified Arabic,6,black,bold,normal" bkcolor="white" bkimage="" border="none,4,gray" type=2 line=1 align=center use=ex num="0,black""]
سرياقلم في طوع كتاب الاشعار=الي هجوسه كل طيب تجيبه

مادام انا ميسر فبنقا وباختار=لخيار عراف يصيب الضريبه

للي بعسر القاف ماهر وبيطار=ولهيب عند الي سواته غريبه

مهوب وشانت فالاصحاب بوار=سوات نجم بالدجا يقتديبه

سار اليول اليا نطفت عنه الانوار=فاليله الظلما يبا يهتديبه

وشرح له الي صار وشوف الاخبار=عن وقتنا الي فيه شكه وريبه

وقتٍ يبو خالد يهول وغدار=وناسٍ بعد من كل شرٍ قريبه

لبليس ترقص كل مادق مزمار=جهال ماتدرا علوم المعيبه

وشوف يامرزوق وافين الاشبار=كلٍ بوقته يشتمت ما رضيبه

صابر بهالدنيا وكنه على نار=ويكب من حقه لفرقا طليبه

يكب من حقة على فرقا الاشرار=عساه يلقا واحدٍ يبتليبه

وليابتلابه جوه طلابة الثار= يلقا الغظيب وجيه مثله غضيبه

ويشرب ويسقيهم معه كاس الامرار=يوم الله اردافي حياته نصيبه

لون اله مال ٍ كثر شوك الاشجار=ما يعرف المخطي من الي مصيبه

يكره ليا جوله من البعد خطار=من خوف ينقص راس ماله جليبه

بخيل لو ينقص منه ربع دينار=ادنا دنيا الدون يدني حظيبه

واليا جلس في مجلسٍ معه منشار=سوالفه بالناس نمه وغيبه

هذاك لونه يسعر بالاسعار=عند العوارف مايساوي زبيبه

فكر وميز وانتبه يبن الاخيار=وقتك ترا قاس الرواسي يذيبه

وختامها مني لكم بن وبهار =والعود الازرق هو ختامه وطيبه


[/poem]

الشاعر العبد الروقي

مرزوق الروقي

صح لسان القايل
قصيدة جميلة .

تقبل تحياتي ,,,

أخوك / عبدالله مران

اخي الكريم/ مرزوق الروقي00



بيض الله وجهك على هذه المشاركة الطيبة00



وصح السان الشاعر/ العبد الروقي00



قصيدة شاعر بلا شك وقصيدة تحمل نصائح مفيدة00



ونحن في انتظار الرد منك يا اخ / مرزوق00 وشد حيلك00


ولك مني كل الحب والتقدير00

[poet font="Simplified Arabic,5,darkred,bold,normal" bkcolor="transparent" bkimage="backgrounds/1.gif" border="solid,5,sienna" type=0 line=200% align=center use=ex length=0 char="" num="0,black" filter=" shadow(color=tomato,direction=135)"]
ابو خالد مرزوق الروقي

صح لساااان الشاعر العبد

قصيده راااااااااائعه

وثمينه جدا جدا جدا جدا

ونحن في انتظار ردك الذي

أجزم انه سيكون رااائعا بروعة

قصيدة العبد ولكما تحياتي

وتقــديــــــــــــــــــري ..
[/poet]

[poem=font="Simplified Arabic,6,black,bold,normal" bkcolor="white" bkimage="" border="none,4,gray" type=2 line=1 align=center use=ex num="0,black""]
هذه مرد مني على قصيدة العبد الروقي

يامرحبا بكتاب كتاب الاشعار=الي كتبه النا وجابه نديبه

ترحيبٍ احلى من لبن عرب الابكار= برضٍ عذا عقب مطره ما مشيبه

من هاجسٍ بالعرف اله ورد وصدار=عن عرف عراف الملى نكتفيبه

ليادعى داع المثل يحضر احظار=مثائيل مثل الجواهر عجيبه

ليامن ابو عادل ومثله لنا شار= بصاف القوافي قافها نبتديبه

شعر ومثل مثل الذهب وزن وعيار= نظمٍ يشوق اهل العقول البيبه

في سوق هل العرف اسوقه بمقدار= وبيع بالغالي منه وشتريبه

يلي تجون العبد لعله امجار= لايتعب المنجوب فوق النجيبه

ماشاهده قد شاهدوه اهل الانظار= قبله وعلى الكون ماهورقيبه

من يدخل الجنه ومن يدخل النار= كلٍ يبو عادل يلاهه حسيبه

لكن من وقتك حذاريك تحتار= لوشفت جاري سيله اخطا شعيبه

خله وخل القوم عمسين الاشوار= لعلهم دايم بغلب وغليبه

واللي لصوت ابليس يرقص على طار= لوهو من الاقراب لاتعتزيبه
جنب مسيك عن مسيره لياسار= ياطير شلوا ياعقيد الكتيبه

واهل الوفاء كسابة المجد والكار=ماصابهم من صطوة الضد هيبه

ان قلت وماقلت ماهم بقصار= ولاحد خذا من حقهم لوسبيبه

ومن له حقوقٍ ثابته يلحقه عار= ليا كبها من خوف خصمه يصيبه

ومن لاوقف لضد بالماقف الحار= مندون حقه كل حقه سريبه

لكن قل للي على الكود صبار= لايفرح الاعداء ويجرح صحيبه

يصبر على مابه من ايام الاعسار= كثر اشتماته مايطفي لهيبه

يصبر مثل غيره له الوقت قهار= لوهو شباب الوقت سبب مشيبه

ومن ماضي الدنيا ومن ماض الادوار= جمع الملى سرحه مخالف عزيبه

ولافيه احد يشره على ساقط الدار= رجلٍ عن الطاله رداه يغديبه

فقير قلب ويكره الظيف والجار= ولاحدٍ ببيته ذاق ماه وحليبه

لوهو من الي بالجيهات تجار= يصير ماله له وبال وهزيبه

مادام هو ها لون نمام هذار=ولافيه عرف عن الخطا يقتديبه

لانافعٍ ربه وللال العدا ظار= مادرك من الطولات ما ينقنيبه

يفنالردي غير الردى ماله اذكار= وشلك بذكره تذكره وشتبيبه

للعارفه شرواك مدخل ومظهار= عرفه مع العراف ماينثنيبه

جعلك مجار ومن طويلين الاعمار= من يكشف اسراره ويجرح صحيبه

اقفل عنه يالعبد صندوق الاسرار= وركضٍ معه بالماد لاتهتويبه

الكير فايدته ترا عج وغبار= يحرق شراره نافخه من لهيبه

للشاعر مرزوق المغيري
[/poem]

الاخ مرزوووووق الروقي
"
"
صح لسسسسسسانك ولسان الشاعر العبد الروقي
"
"
"

ولاهنت وبيض الله وجهك ..على امتاعنا بهاتين القصيدتين
"
"
تحياتي لك
"
"

"

ناايف بن عيفااان