بإختصار : (( بوش × أحمد نجاد )).!!!

السلام عليكم

محاورة بين الرئيس الامريكي / بوش الصغير .. ورئيس جمهورية إيران .. جاءت بتصرفي
أتمنى أن تقبلوها ( مواهبيّه ) ..




بوش
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام من ريّس مريكا قايد الجيش الكبير= لاوالله ألاّ قايد الشرق الوسط مع غربها
لاتحتزم يا أحمد نجادي وإسمع لشور الشوير=امريكيا وجيوشها .. محدٍ تمنّى حربها[/POEM]


أحمد نجاد

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا من رآس كسرى تآصل لبوش الصغير= والهيمنة والسيطره من صاحبك ياقربها
لولا المخافه صابتك ماأرسلت لي توني بلير = وأهل المحازم تحتزم .. لامن تبيّن كربها [/POEM]


بوش

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دام البقا واللي بقا .. تقرير عن خط المسير = نبا نسير لجيشكم .. وإنكان صامل سربها
ماسّر كسرى دولته .. يوم إعتزا عَمُر وعمير=ويش أنت خابر فالسنين الماضيات وعِربُها[/POEM]


احمد نجاد

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إيران لامنّك بغيت الشرّ .. شرٍ مستطير = منته معوّد يالصليبي .. لين تونس ضربها
حنّا نشبّب خيلنا .. وأنتم تربّون الحميـر= خلّ السنين الماضيه .. والحاضرات أشّر بها[/POEM]



بوش


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أهل العراق إمُنازعتها .. خلّتك حبّة شعير = وحنّا بطشنا دارها .. لكن دربك دربها
حنا صنعنا الطايرة وأنته تعلمّت المطير = وإنكان لك حيله بعدها يالخميني ... طِربها[/POEM]



احمد نجاد

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العام مرّتك السحابه .. وسط دارك يالخطير = ثم أرثعت فيكم .. والا ياطيب من ناحربها
ياخِرُب لاتقعد تطامر .. ينقطع سلك الحرير = ولا تستوي شقر الحرار الصارمه مِعُ خِربٌها[/POEM]




بوش

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وراك دوّنت التعازي .. في ملفّات السفير = ساعة تولّمنا .. وقلنا يالعميل أبشربها
حنا نسويّ لك عصير ولا تبا شرب العصير = هالحين كاسات البصل هات البصل وإعصربها[/POEM]


احمد نجاد

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هذي سياسات الدول فالوقت الاوّل والاخير = ماني لحالي والدول .. قامت تدّلي ثربها
حاسب حسابي ماعليّه من قليل ومن كثير =لاجا الوعد في موعده يسراك ينقص شربها[/POEM]





بوش

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اللي مزيّن حالكم .. علم ( السقيفه والغدير ) = وعلوم ماودّي تشوف إصلاحها .. تبطر بها
يالفارسي محدٍ فزع لك .. غير بشّار وسمير = واللي تحكّك فالخشب .. جربٍ تناحي جِربها[/POEM]




احمد نجاد

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أثرك عدوٍ معتبر .. تضحك على العظم الكسير = واللي مأثّر ديننا .. دينك بعد مثّربها
كثر الكلام وقلّته .. ماجاب شّر وزاد خير = خلّ الهروج السامجة والصاملات إقصربها [/POEM]




وسلامتكم .,

1


ومجاراه رااااااااائعه ياابوصالح


ولي عوده

الله
الله
الله






وياسلام ياسلام يابو تركي
اجل بوش الصغير واحمد نجاد هذي والله المحاوره العالميه والناريه والنوويه الله يستر علينا بستره
فكره رائعه ومحاوره اروع لله درك وصح الله السانك
وسلامي عليك ومحبتي الدائمه ياصديقي
اخوووووك

وعليكم السلام والرحمه يابوصلوح


محاوره مشع ل ل هـ ،

ألاحظ :-
ماني لحالي والدول .. تشمت وربّي ربّهـا
القافيه فيها اختلاف ،
ثم كلمة البصل من الأفضل استبدالها بغيرها ،
وعفاك ..

هالحين كاسات البصل هات البصل وإعصربها

ههههههههه

محاوره رائعه بيت بوش ونجاد بس اول مره ادري ان بوش يعرف يقول ابك البقا


صح لسانك والله

خالد السويكت

هلا وغلا .. وبإنتظارك

الديري ذعار

هلا وميه هلا .. وعاش من شافك يا بومتعب

صح بدنك .. وشرفتني وانا اخوووك ..


تحيتي وتقديري .,

عبدربي

هلا وغلا يا بوعتيق .. تم تعديل القافيّه

اما الملاحظة الثانيه .. ماني فاهم ليش تبيني أغيّرها .؟

بإنتظارك

نوض

هلا .. هلا .. بوش يعرف اللي حدر الحصاه

سلمتي وصح بدنك ..

ولاهنتي

محمد صالح
الظاهر ان ماياكل البصل غير ايرانية الكويت

على شان يكون أقوى بس ،


والا مافيها شئ ، مع إني ما أدري إن للبصل عصير ،

نهارإناك مدري من اللي يقول لي فيه عصير جرجير ؟


دوّر لك مفرده أقوى يامحمد وعفاك ..




تعال تعال ،

وراك ماتقول : كاسات الحدج !
<- دبّرها عاد

نوض

إيرانيّه الكويت .. إمتداد للدولة الأم ..

ابو عتيق

الحسا مشهور بالتمر .. والحبايب مشهورين باللي قلناه

وبعدين المعنى في بطن ( بوش )

شكراً لك

اسفه عالتدخل
بس مره شفت بمنيو محل عصاير بصل مع مدري شنو
حتى اني صدّيت وحامت كبدي
الله يديم النعمه

ومدري هل اخوي عبدربه عنده خبر ان الايرانيه يموتون بشي اسمه بصل او لا

اسفه على التدخل

اي بالله .. كيف يعرف بوش حتى الجرب

حنا صنعنا الطايرة وأنته تعلمّت المطيـر
وإنكان لك حيله بعدها يالخميني ... طِربها


الله يكافينا الشر ..
صح لسانك يا طويل العمر وانتبه لا عاد تسوي مثل هالقنابل .. تنفجر بيدك


تقديري +متابعتي .. اخوك..أبو نايف

الله الله يبو تركي

صح لسانك انت لحالك

اما نجاد وبوش اللي جايب العيد من اولها مالهم عندي شي

محبتي واحترامي ياكبتن

أبوصالح

مدري وشقول

بس أشهد ان خيالك واسع

لله درّك على كلّ حرف

بس ماعرفنا الدول العربيه ماسكه اي صف

محمد صالح


فكره رائعه وتسلم يالسنافي



( اثرهم يعرفووون النقض والفتل .. بوش وخويّه )




تقبّل اعجابي ولاهنت

فكره جميله وتسجل لك يا محمد

صح لسانك صح لسانك

وتحياتي لك

الله الله
:
:

صح لسانك يا ابو تركي على تصوير هذه المجاراه
و الله يكفي شر الأثنين .. و يخرجنا من بينهم سالمين
لا هنت
لا هنت






أخوك/محمـــد ال عبـــدان

إي والله .. يالخميني طربها



محاورة .. سمعت ان مجلس الامن في جمعيته القادمه سيناقشها مير جهّز حالك

صراحه .. كل مقومات النجاح .. هنا

اهيب يا يابو نجادي والله ماهو بهيّن

يا سلامي عليك يا محمد وعلى افكارك


صح لسانك عدد سكان امريكا وايران