السيف البتيع

السلام عليكم ورحمة الله وبركاته

مع العذر والسموحه من الوطن ومنكم أعضاء وقراء لأنها لاتفي بحقه

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يابلاد العز والدين المنيع=عن مسببة القلاقل والفتن
يحرسك رب العباد ولا يضيع=جهد من دونك يذود بْلا وهن
انعمي في خير محمود الصنيع=قايدٍ يذريك عن كل المحن
بالرجال اللي كماالسيف البتيع=فالرقاب اللي على الحد اعتدن
حسب مايامر تحت رايه جميع=طاعته من طاعة الله فالسنن
كل شعبه جند فاليوم الوليع=نهدي الارواح من دون الوطن
مانساوم في ثراه ولا نبيع=ولا لنا فيما نسوي ايّ من
هيه يالحوثي النذل الوضيع=لاتحسّب حربنا حرب اليمن
نارنا تصلاك والرامي بديع=يضرب الحوثي بدا ولا كمن
مار عود وانت مكسور وظليع=وخل حربك بين سفيان وعدن[/poem]


غيمار